Actress Yashika Anand latest hot collection

 Yashika Anand latest hot collection

Actress Nivedhithaa Sathish latest photo shoot collection

 Actress Nivedhithaa Sathish latest photo shoot collection

Actress Priya Bhavani Shankar latest photos collection

 Actress Priya Bhavani Shankar latest photos collection

நடிகர் அஜித் ஒரு கோடி நிதியுதவி!

நடிகர் #அஜித் ஒரு கோடி நிதியுதவி! தடுப்பு நடவடிக்கைக்காக முதலமைச்சர் #கொரோனா நிவாரண நிதிக்கு ரூ.50 லட்சமும், பிரதமர் நிவாரண நிதிக்கு ரூ.50 லட்சமும் நிதியுதவி வழங்கினார் நடிகர் அஜித்குமார்.

மேலும் பெப்ஸி தொழிலாளர்களுக்கு நிவாரணமாக ரூ.25 லட்சத்தை நடிகர் #அஜித் வழங்கினார்

கொரோனா தடுப்பு மருந்து கண்டுபிடிப்பு : எலிக்கு நடத்திய சோதனையில் வெற்றி!

#COVID2019 #CoronaUpdate #CoronaAlert #CoronaPandemic கொரோனா தடுப்பு மருந்து அமெரிக்காவில் கண்டுபிடிப்பு : எலிக்கு நடத்திய சோதனையில் வெற்றி; மனிதர்களுக்கு சோதனை நடத்த ஆராய்ச்சிக்குழு ஆயத்தம்

அமெரிக்காவில் பீட்டர்ஸ்பர்க் மருத்துவ பல்கலைக்கழகத்தை சேர்ந்த ஆராய்ச்சியாளர்கள் கொரோனாவுக்கு புதிதாக தடுப்பு மருந்து கண்டுபிடித்து அதனை எலிக்கு செலுத்தி வெற்றி கண்டுள்ளனர்.
சீனாவின் வூகான் நகரில் கடந்த டிசம்பர் மாதம் பரவத் தொடங்கிய கொரோனா தொற்று, தற்சமயம் உலகளவில் சுமார் 200 நாடுகளை ஆட்டிப்படைத்து வருகிறது.  உலகளவில் பலி எண்ணிக்கை 60,112 உயர்ந்துள்ள நிலையில், பாதிக்கப்பட்டோரின் எண்ணிக்கை 11,30,089 ஆக அதிகரித்துள்ளது.

இதையடுத்து இந்த வைரஸை ஒழிக்க மக்களை குணப்படுத்தும் மருந்துகளையும், தடுப்பு மருந்துகளையும் கண்டுபிடிக்க அமெரிக்கா உட்பட பெரும்பாலான நாடுகள் தீவிர முயற்சியில் ஈடுபட்டுள்ளன. இந்த நிலையில் வல்லரசு நாடான அமெரிக்கா கொரோனா தடுப்பு மருந்து ஒன்றை கண்டுபிடித்துள்ளது.அமெரிக்காவிலுள்ள பீட்டர்ஸ்பர்க் மருத்துவ பல்கலைக்கழகத்தை சேர்ந்த ஆராய்ச்சியாளர்கள் தான் இந்த தடுப்பு மருந்தை கண்டுபிடித்துள்ளனர். பேராசிரியர் ஆன்ட்ரியோ கம்போட்டா, லூயிஸ் பாலோ உள்ளிட்டவர்கள் தலைமையிலான நிபுணர்கள் குழு இந்த மருந்தை உருவாக்கியுள்ளது.

இதே குழுவினர் தான் கடந்த 2003 ம் ஆண்டு  சார்ஸ் நோய்க்கும், 2014ம் ஆண்டு மெர்ஸ் நோய்க்கும் மருந்து கண்டுபிடித்தனர். தற்போது உலகம் முழுக்க பரவி மக்களை அச்சுறுத்தி வரும் கொரோனா வைரஸ் சார்ஸ் (sars) மற்றும் மெர்ஸ் (merz) குடும்பத்தை சேர்ந்ததாகும். எனவே கடந்த காலத்தில் அந்த 2 வைரசுக்கும் எப்படி மருந்து கண்டுபிடிக்க முயற்சி செய்தார்களோ அதே போலவே  நிபுணர்கள் குழு கொரோனா வைரசுக்கும் மருந்து கண்டுபிடிக்க ஆய்வு நடத்தியதில் அவர்கள் வெற்றி கண்டுள்ளனர்.

ஆம், இந்த தடுப்பு மருந்தை ஒரு எலிக்கு செலுத்தி பரிசோதனை செய்தனர். அவர்கள் எதிர்பார்த்தது போலவே அது வெற்றிகரமாக செயல்படுகிறது. அதாவது, உடலில் கொரோனா வைரஸ் தொற்று கிருமியை எதிர்த்து போராடும் ஆற்றலை உருவாக்கி அதை அழிக்கின்றது. ஆகவே இந்த மருந்தை  கொரோனா தொற்று பாதிக்கப்பட்ட மனிதனுக்கு பயன்படுத்தினால் நோய் தாக்குதலை தடுத்து விடலாம் என ஆராய்ச்சியாளர்கள் கூறினார்கள்.ஆனாலும் இன்னும் சில பரிசோதனைகள் நடத்த வேண்டியதாக உள்ளது.

முதலில் இந்த மருந்துக்கு அமெரிக்க உணவு மருந்து கட்டுப்பாட்டு அமைப்பு மற்றும் புதிய மருந்து ஆய்வு அமைப்பு ஆகியவற்றின் ஒப்புதலை பெற வேண்டும். ஒப்புதலை பெறுவதற்காக விண்ணப்பிக்கும் பணியில் ஆய்வுக்குழுவினர் ஈடுபட்டுள்ளனர்.அதன் ஒப்புதல் கிடைத்த பின் மனிதர்களுக்கு உடனே சோதனை நடத்தப்படும். சோதனையில் அதுவும் வெற்றி பெற்றால் தடுப்பூசி பயன்பாட்டுக்கு வரும். ஆனாலும் அனைத்து பணிகளுமே முடிந்து இந்த மருந்து பயன்பாட்டுக்கு வருவதற்கு இன்னும் ஒரு வருட காலம் வரை ஆகலாம் என்றும் நிபுணர் குழுவினர் கூறினார்கள்.

கொரோனா அச்சுறுத்தல்.. பாதுகாப்பான உறவை மேற்கொள்வது எப்படி..?

கொரோனா வைரஸ் காரணமாக சமூக விலகலை கடைபிடிக்க வலியுறுத்தி வந்தாலும் காம உணர்ச்சிகளை கட்டுப்படுத்துவது கடினம்தான். தூங்குவது, சிறுநீர் கழிப்பது போல் காம உணர்ச்சியும் தவிர்க்க முடியாத உடல் தேவைதான்.

சமீபத்தில் வெளியான தகவலில் கூட மாஸ்க் விற்பனையைப் போல் ஆணுறை விற்பனையும் உச்சத்தைத் தொட்டுள்ளதாக கூறப்பட்டது. காரணம் கணவன் , மனைவி கொரோனா ஊரடங்கால் வீட்டிற்குள் இருப்பதே காரணம்.


அதேபோல் கொரோனா உடலுறவின் மூலம் பரவுமா என்பது இன்று வரை நிரூபிக்கப்படவில்லை என்றாலும் பாதுகாப்பு அவசியம்.



 பாதுகாப்பான உடலுறவை மேற்கொள்வது எப்படி..?

முத்தம் மட்டும் போதும் அல்லது கணவன் மனைவிக்குள் மட்டும் உடலுறவு கொள்ளலாம். மற்றவர்களை நாடுவதை தவிருங்கள்.

வெளியே உடலுறவு கொள்வதை தவிருங்கள்.

உங்கள் துணைக்கு உடல்நிலை சரியில்லை எனில் உடலுறவைத் தவிர்த்திடுங்கள்.

கொரோனா வைரஸில் குணமடைந்தவர் அல்லது அறிகுறிகள் இருப்பது போல் உணர்ந்தாலும் உடலுறவைத் தவிருங்கள்.

உடலுறவு கொள்வதற்கு முன்பும் பின்பும் உடனே குளிப்பது நல்லது.

செக்ஸ் டாய்ஸ் பயன்படுத்தினாலும் கழுவி பாதுகாப்பது அவசியம்.

ஆணுறை போன்ற கருத்தடை விஷயங்களை மேற்கொள்வது அவசியம்.

எனக்கு கங்குலி போல் தோனி ஆதரவு அளிக்கவில்லை: யுவராஜ் சிங் பகீர் குற்றச்சாட்டு

தனக்கு சவுரவ் கங்குலி கேப்டன்சியில் கிடைத்த ஆதரவு தோனியிடமிருந்தோ, கோலியிடமிருந்தோ கிடைக்கவில்லை என்று யுவராஜ் சிங் பகீர் குற்றச்சாட்டைத் தெரிவித்துள்ளார்.

ஸ்போர்ட்ஸ் ஸ்டார் இதழுக்கு அவர் அளித்த பேட்டியில், “நான் சவுரவ் கங்குலி தலைமையில் நிறைய விளையாடியுள்ளேன், அவர் எனக்கு பெரிய அளவில் ஆதரவளித்தார்.

பிறகு மாஹி (தோனி) கேப்டன் பொறுப்பேற்றார், தோனி, கங்குலி கேப்டன்களை பிரித்துப் பார்ப்பது கடினம் என்றாலும் என் நினைவுகள் கங்குலி காலத்தை சுற்றியே வட்டமிடுகின்றன, காரணம் அவர் எனக்கு மிக ஆதரவாக இருந்தார்.

அது போன்ற ஆதரவு எனக்கு தோனியிடமிருந்தோ, கோலியிடமிருந்தோ கிடைக்கவில்லை.” என்றார் யுவராஜ் சிங்

யுவராஜ் சிங் ஜூன் 2019-ல் சர்வதேச கிரிக்கெட்டிலிருந்து ஓய்வு பெற்றார். தோனியின் கீழ் 2007 டி20 உலகக்கோப்பை பிறகு 2011 ஐசிசி உலகக்கோப்பைகளை இந்திய அணி வென்ற போது யுவராஜ் சிங் பெரிய அளவில் பங்களிப்புச் செய்தார்.

அதனால்தான் அவர் 2011 உ.கோப்பை தொடரின் தொடர் நாயகனாகத் தேர்வு செய்யப்பட்டார்.

மாஸ்டர் படத்தில் விஜய் சேதுபதியின் அறிமுக ரசிகர்களிடையே வைரலாகி வருகிறது!

லோகேஷ் கனகராஜ் இயக்கத்தில் 'விஜய்' மற்றும் 'விஜய் சேதுபதி' ஆகியோர் நடிப்பில் உருவாகியுள்ள படம் 'மாஸ்டர்'. பேட்ட புகழ் மாளவிகா மோகனன் நாயகியாக நடிக்கும் இப்படத்தில் சாந்தனு, ஆண்ட்ரியா, கௌரி கிஷான், அர்ஜுன் தாஸ் ஆகியோர் முக்கியக் கதாபாத்திரத்தில் நடித்துள்ளனர். விஜய் சேதுபதி வில்லனாக நடிக்கும் இப்படத்தின் பாடல்கள் சமீபத்தில் வெளியாகி நல்ல வரவேற்பைப் பெற்ற நிலையில் தற்போது வில்லன் விஜய் சேதுபதி அறிமுக பாடலான 'பொளக்கட்டும் பற பற' பாடல் வெளியாகி ரசிகர்களிடையே வைரலாகி வருகிறது

பிரபல நாட்டுப்புற பாடகியும் நடிகையுமான பரவை முனியம்மா காலமானார்...!

நாட்டுப்புற பாடலில் புகழ் பெற்றவரும் திரைப்பட நடிகையுமான பரவை முனியம்மா சில மாதங்களாக உடல்நலக்குறைவால் இருந்த நிலையில், இன்று காலை அவர் மரணமடைந்தார்.

மதுரை மாவட்டம் பரவை என்ற பகுதியைச் சேர்ந்தவர் முனியம்மா. நாட்டுப்புற பாடல்கள் பாடுவதில் பிரபலமான இவர், தூள் என்ற படத்தின் மூலம் நடிகை மற்றும் பாடகியாக திரைத்துறையில் அறிமுகமானார். 25 படங்கள் வரை நடித்த அவர், 83 வயதான நிலையில், சமீப காலமாக உடல் நலக்குறைவால் பாதிக்கப்பட்டார்.

அவர் கடும் வறுமையிலும், மருத்துவ சிகிச்சைக்கு பணம் இல்லாமல் தவிப்பதாகவும் செய்திகள் வெளியானதை அடுத்து, திரைத்துறையைச் சேர்ந்தவர்கள் பலர் உதவி செய்தனர். மேலும், நடிகர் சங்கம் சார்பில் உதவித்தொகையும் வழங்கப்பட்டது.

இந்த நிலையில், இன்று காலை அவர் காலமானார். அவரது மறைவுக்கு திரைத்துறையினர் பலரும் இரங்கல் தெரிவித்து வருகின்றனர்.

இன்று மாலை அவரது இறுதிச்சடங்குகள் நடக்கும் என்று உறவினர்கள் தெரிவித்துள்ளனர்.

கொரோனாவுக்கு மருந்து... விரைவில் டெஸ்டிங்.. பெங்களூர் டாக்டர் அதிரடி!

கொரோனவை குணப்படுத்துவதற்காக பெங்களூரை சேர்ந்த மருத்துவர்கள் குழு ஒன்று புதிய மருத்துவ சிகிச்சை முறையை கண்டுபிடித்துள்ளது. பெங்களூர் எச்சிஜி மருத்துவமனை புற்றுநோய் நிபுணர் விஷால் ராவ் தலைமையில் இந்த கண்டுபிடிப்பு நிகழ்த்தப்பட்டுள்ளது. கொரோனாவிற்கு மருந்து கண்டுபிடிக்க அல்லது கொரோனாவை குணமாக்கும் சிகிச்சை முறையை கண்டுபிடிக்க உலகம் முழுக்க தீவிரமான முயற்சிகள் நடந்து வருகிறது.

கொரோனா வைரஸ் நமது உடலுக்குள் சென்ற பின் நோய் எதிர்ப்பு சக்தி செல்களால் கண்டுபிடிக்க முடியாது. காரணம் கொரோனா வைரஸ், உடலில் இருக்கும் சாதாரண செல் போல வேடமிட்டு, அதற்கு உரிய சிக்னல்களை அனுப்புவதால், நோய் எதிர்ப்பு சக்தி செல்கள் குழம்பி போய், கொரோனாவை கண்டுபிடிக்க முடியாமல் போகிறது. இதனால் உடலை தாக்கும் கொரோனா, நோய் எதிர்ப்பு சக்தி செல்களை மொத்தமாக செயலிழக்க செய்கிறது.

இந்த நிலையில்தான் கொரோனாவை குணப்படுத்துவதற்காக பெங்களூரை சேர்ந்த மருத்துவர்கள் குழு ஒன்று புதிய மருத்துவ சிகிச்சை முறையை கண்டுபிடித்துள்ளது. பெங்களூர் எச்சிஜி மருத்துவமனை புற்றுநோய் நிபுணர் விஷால் ராவ் தலைமையில் இந்த கண்டுபிடிப்பு நிகழ்த்தப்பட்டுள்ளது. இது தொடார்பாக விஷால் ராவ் அளித்துள்ள பேட்டியில், நாங்கள் கண்டுபிடித்துள்ள மருந்து மனித உடலில் கொரோனா காரணமாக செயலிழந்த நோய் எதிர்ப்பு திறனை மீட்டு கொண்டு வருவது ஆகும்.

இது மருந்துதான். ஆனால் தடுப்பூசி கிடையாது. மனித உடலில் உள்ள சைட்டோகைனஸ் (cytokines) எனப்படும் எதிர்ப்பு சக்தி புரதம், நோய் செல்களை கண்டுபிடிப்பதில் முக்கிய பங்கு வகிக்கிறது. இந்த சைட்டோகைனஸ்தான் பல்வேறு மருந்துகளை உருவாக்கியதில் முக்கிய பங்கு வகிக்கிறது. நோய் எதிர்ப்பு புரதங்களிலும், வைரஸ்களை கண்டுபிடிப்பதிலும் இந்த சைட்டோகைனஸ் முக்கிய இடம் பிடித்துள்ளது.

பல்வேறு சைட்டோகைனஸ் கலவையை உருவாக்கி, மனித உடலில் மீண்டும் செலுத்துவதன் மூலம் கொரோனாவை கட்டுப்படுத்த முடியும். கொரோனா செல்களை கண்டுபிடிப்பதில், நோய் எதிர்ப்பு செல்களை மீண்டும் தூண்டுவதில் இந்த சைட்டோகைனஸ் உதவும், என்று அவர் கூறியுள்ளார். இந்த வார இறுதியில் இது சோதனைக்கு தயார் ஆகும். இதற்காக மத்திய அரசிடம் சோதனை அனுமதி கேட்டு இருக்கிறோம். அதேபோல் உடலில் இருக்கும் இன்டர்பெரான் (interferon) எனப்படும் செல்கள் நோய் எதிர்ப்பு திறனில் முக்கிய பங்கு வகிக்கிறது.

இன்டர்பெரான் செல்கள் கொரோனா காரணமாக வெளியே சுரப்பது தடுக்கப்படுகிறது. இதுதான் நோய் எதிர்ப்பை குறைக்கிறது. இதனால் இதை செயற்கையாக நாம் உடலின் உள்ளே செலுத்த வேண்டும். இந்த இன்டர்பெரான் (interferon) மற்றும் சைட்டோகைனஸ் (cytokines) கலவை மற்றும் வேறு சில எதிர்ப்பு செல்கள் கலவை மூலம் கொரோனாவை கட்டுப்படுத்த முடியும். கொரோனாவை கட்டுப்படுத்த இன்டர்பெரான் உதவும் என்பதற்கு எங்களிடம் சில சோதனை முடிவுகள் உள்ளது .

இதை ஒன்றாக சேர்த்து சோதனை செய்ய போகிறோம். விரைவில் இதன் முடிவுகளை அறிவிப்போம் என்று, புற்றுநோய் நிபுணர் விஷால் ராவ் தெரிவித்துள்ளார். உலகமே இந்த கொரோனாவிற்கு சிகிச்சை என்ன? மருந்து என்ன? என்று குழம்பிக் கொண்டு இருக்கும் நிலையில் இந்தியாவில் இருந்து அதற்கான சிறிய வெளிச்சம் தோன்றி உள்ளது. பெரியம்மை, போலியோ ஆகிய நோய்களை இந்தியா விரட்டியது போல கொரோனாவையும் விரட்டும் என்று உலக சுகாதார மையம் நம்பிக்கை தெரிவித்தது.. அதற்கான அறிகுறிகள் தெரிய துவங்கி உள்ளது.

காதல் நெருக்கத்தை அதிகரித்த கொரோனா - ஆணுறை விற்பனை அதிகரிப்பு

இந்தியாவில் கொரோனா வைரஸ் வேகமாகப் பரவிவருகிறது. அதனையடுத்து, எடுக்கப்பட்டுவரும் பல்வேறு நடவடிக்கைகளில் ஒருபகுதியாக ஐ.டி துறை உள்ளிட்ட பல்வேறு நிறுவனங்களில் ஊழியர்களை வீட்டிலிருந்து பணி செய்ய அனுமதித்துள்ளனர். இந்த கொரோனா பாதித்த காலத்தில் உணவு விற்பனை, மாஸ்க், மருந்துகளின் விற்பனை அதிகரித்துள்ளது. அதேபோல, ஆணுறையின் விற்பனையும் அதிகரித்துள்ளது என்று தெரிகிறது.

இந்தக் காலத்தில் வீட்டிலிருக்கும் காதல் தம்பதிகளுக்கு இடையில் தாம்பத்திய உறவும் அதிகரித்துள்ளது என்பது ஆணுறையின் விற்பனை அதிகரித்துள்ளதன் மூலம் தெரியவந்துள்ளது.

ஆன்லைன் விற்பனை இணையதளத்திலும், ‘ஆணுறையின் விற்பனையும் கருத்தடை மாத்திரையின் விற்பனையும் அதிகரித்துள்ளது’ என்று தெரிவிக்கப்பட்டுள்ளது.

இந்தியா முழுவதும் ஆணுறை விற்பனை திடீரென தாருமாறாக அதிகரிப்பு

மக்கள் வீடுகளிலேயே அதிக நேரம் இருப்பதால் ஆணுறை விற்பனை இந்தியா முழுவதும் இதுவரை இல்லாத அளவுக்கு அதிகரித்துள்ளது. அத்தியாவசிய பொருட்களை போல் ஆணுறை விற்பனையும் மிக மிக அதிக அளவு அதிகரித்துள்ளது.

கொரோனா வைரஸ் பரவும் வேகம் மக்களிடையே வேண்டிய அனைத்தையும் வாங்கி தங்களை தற்காத்துக்கொள்ள வேண்டும் என்ற அச்சம் உணர்வு அதிகரித்துள்ளது. உலகம் முழுவதும் பரவுவதால் மக்கள் தங்களால் முடிநத் அத்தியாவசிய பொருட்களை வாங்கி சேமித்து வைக்கின்றனர். இந்த மாத இறுதி வரை ஜிம், பார்க் மற்றும் தியேட்டர்கள் போன்ற பொழுதுபோக்கு இடங்களுக்கு செல்ல அனுமதி இல்லை.

அத்துடன் பல கார்ப்பரேட் நிறுவனங்கள் வீட்டிலிருந்து வேலை செய்ய அனுமதிப்பதால், மக்கள் உணவு மற்றும் சுகாதார பொருட்களை வாங்கி சேமிக்கத் தொடங்கியுள்ளனர். இந்த சூழ்நிலையில் ஆணுறை விற்பனை பிய்த்துக்கொண்டு செல்கிறது. பல சில்லறை விற்பனை கடைகளில் கடந்த ஒரு வாரத்தில் விற்பனை கிட்டத்தட்ட 25% முதல் 50% வரை அதிகரித்துள்ளது.

இது தொடர்பாக தென் மும்பையில் உள்ள ஒரு மருத்துவ கடை உரிமையாளர் ஹர்ஷல் ஷா கூறுகையில், 'மக்களுக்கு இப்போது நிறைய நேரம் இருக்கிறது, அவர்கள் வீட்டில் இருப்பதால் சலிப்படைகிறார்கள். பொதுவாக, மக்கள் சிறிய அளவிலான ஆணுறை பேக்குகளையே விரும்பி வாங்குவார்கள். ஆனால் இப்போது பெரிய பெரிய ஆணுறை பேக்குககளை வாங்குகிறார்கள். இதனால் ஆணுறை விற்பனை மிகப்பெரிய அளவில் அதிகரித்துள்ளது. 'மக்கள் பொதுவாக மூன்று பேக் ஆணுறை தான் வாங்க விரும்புவார்கள். ஆனால் கடந்த வாரத்தில் அவர்களில் பெரும்பாலானோர் 10 மற்றும் 20 பேக்குகளை வாங்கி உள்ளார்கள்" என்றார்.

கொரோனா வைரஸுக்கு காரணம் சீனா இல்லையாம்!

சீனாவின் வுகான் மாகாணத்தில் முதன் முதலில் கொரோனா வைரஸின் தொற்று கண்டறியப்பட்டது. முதலில் சீனாவில் ஆயிரகணக்கான உயிர்களை காவு வாங்கிய கொரோனா வைரஸ் தற்போது உலக அளவில் 180க்கும் மேற்பட்ட நாடுகள் கொரோனாவால் கடுமையாக பாதிக்கப்பட்டுள்ளன.

உலக அளவில் 4 லட்சத்திற்கும் மேற்பட்ட மக்கள் பாதிக்கப்பட்டுள்ளனர். மேலும் இந்த வைரஸால் அமெரிக்கா, இத்தாலி, ஸ்பெயின் போன்ற நாடுகளும் கடுமையாக பாதிக்கப்பட்டுள்ளன. இந்நிலையில், அமெரிக்க அதிபர் டொனால்ட் ட்ரம்ப் கொரோனா வைரஸை சீன வைரஸ் என்று கூறி வருகிறார். மேலும் பல நாடுகளும் கொரோனா வைரஸ் தாக்கத்திற்கு சீனா தான் காரணம் என குறை கூறி வருகிறது.


இந்நிலையில், அமெரிக்கா, ஜப்பான், ஐரோப்பா, மற்றும் உலக சுகாதார நிறுவனம் ஆகியவற்றின் மருத்துவ வல்லுநர்களின் ஆராய்ச்சியின் படி கொரோனா வைரஸ் எங்கு, எப்படி  தோன்றியது என்பது இதுவரை கண்டுப்பிடிக்கப்படவில்லை என்றும், சீனாவின் வுகான் மாகாணத்திலேயே முதன் முதலாக கொரோனா தொற்று ஏற்பட்டிருந்தாலும் சீனா தான் கொரோனா வைரஸ்க்கு காரணம் என்று அதிகாரப்பூர்வ முடிவுகள் வெளியாகவில்லை என்றும், கொரோனா வைரஸால் சீன மக்களும் கடுமையாக பாதிக்கப்பட்டுள்ளனர் என்று இந்தியாவில் உள்ள சீன தூதரகம் தெரிவித்துள்ளது.

முதல்வர் வீட்டுக்கு வெடிகுண்டு மிரட்டல்: தனியார் நிறுவன மேலாளர் கைது

காவல் கட்டுப்பாட்டு அறைக்கு நேற்று முன்தினம் செல்போன் அழைப்பு ஒன்று வந்தது. எதிர்முனையில் பேசிய நபர், ‘சென்னை பசுமை வழிச்சாலையில் உள்ள முதல்வர் பழனிசாமி வீட்டில் வெடிகுண்டு வைத்துள்ளேன். அது சற்று நேரத்தில் வெடித்துச் சிதறும். முடிந்தால் தடுத்துப் பாருங்கள்’ என்று கூறி இணைப்பை துண்டித்துள்ளார்.

இதைக் கேட்ட போலீஸார் அதிர்ச்சி அடைந்தனர். உடனடியாக காவல்துறை உயர் அதிகாரிகளுக்கு தகவல் தெரிவித்தனர். உயர் அதிகாரிகள், முதல்வர் வீட்டின் வெளிப் பகுதியில் சோதனையிட உத்தரவிட்டனர். இதன் அடிப்படையில் முதல்வர் வீட்டின் வெளிப் பகுதியிலும், உள்ளேயும் வெடிகுண்டு நிபுணர்கள் சோதனை நடத்தினர். ஆனால் அங்கிருந்து எந்த வெடிப் பொருட்களும் கண்டெடுக்கப்படவில்லை.

இது தொடர்பாக சைபர் குற்றப்பிரிவு போலீஸார் நடத்திய விசாரணையில், வெடிகுண்டு மிரட்டல் விடுத்தது மடிப்பாக்கத்தைச் சேர்ந்த சிக்கந்தர் பாஷா (41) என்பது தெரிந்தது. அவரை மடிப்பாக்கம் போலீஸார் நேற்று கைது செய்தனர். அவர் எழும்பூரில் உள்ள தனியார் நிறுவனம் ஒன்றில் மேலாளராக பணி செய்து வருவதும், மதுபோதையில் மிரட்டல் விடுத்ததாகவும் போலீஸார் தெரிவித்தனர்.

இவர் கடந்த ஜனவரி மாதமும் இதேபோல் முதல்வர் வீட்டுக்கு வெடிகுண்டு மிரட்டல் விடுத்ததாக பிடிபட்டார் என்பது குறிப்பிடத்தக்கது.

21 நாட்கள்.. நாடு தழுவிய லாக்டவுன் - மோடி உரையின் சாராம்சம்

மார்ச் 24ம் தேதி (இன்று) நள்ளிரவு 12 மணி முதல் அடுத்த 21 நாட்களுக்கு நாடு முழுக்க ஊரடங்கு அமலில் இருக்கும் என்று பிரதமர் நரேந்திர மோடி அறிவித்துள்ளார்.

• யாரும் வீட்டை விட்டு வெளியே வராதீர்கள்
• 21 நாட்களுக்கு ஊரடங்கு அமலில் இருந்தாலும், அத்தியாவசிய பொருட்கள் தடையின்றி கிடைக்கும்
• இந்த ஊரடங்கு காரணமாக பொருளாதாரம் பாதிக்கப்படும் என்பதை அறிந்துள்ளேன்
• பொருளாதாரம் பாதித்தாலும், நாட்டு மக்களின் உயிர்தான் எனக்கு முக்கியம்
• இந்த 21 நாட்கள் நாம் சுய ஒழுங்கைக் கடைபிடிக்காவிட்டால் 20 ஆண்டுகளுக்கு நாம் பின்னோக்கி சென்று விடுவோம்
• தனித்து இருப்பதை தவிர தப்பிப்பதற்கு வேறு வழி கிடையாது
• சீனா, அமெரிக்கா, ஈரான் போன்ற நாடுகள் சமூக விலகலை, சரிவர பின்பற்றாததா தான் சிரமப்படுகின்றன. அந்த நாடுகளில் இருந்து பெற்ற படிப்பினை மூலம் நாம் கொரோனாவைத் தடுக்கலாம்
• கொரோனா பரவத் தொடங்கினால் அதை தடுத்து நிறுத்துவது மிகப்பெரிய சவால் ஆகிவிடும்
• நீங்கள் வீட்டை விட்டு வெளியே செல்ல வேண்டாம், உங்கள் விருந்தினர் உள்ளிட்ட யாரையும் வீட்டுக்குள்ள அனுமதிக்கவும் வேண்டாம்
• இப்போது கடைபிடிக்கப்போகும் ஊரடங்கு என்பது, மக்கள் ஊரடங்கு (ஜனதா ஊரடங்கு) விடவும் கடுமையானதாக இருக்கும்.
• மாநிலங்கள், யூனியன் பிரதேசங்கள், கிராமங்கள் உள்ளிட்ட அனைத்தும் லாக்டவுன் செய்யப்படும். இவ்வாறு, நரேந்திர மோடி தெரிவித்தார்.

அடுத்த 21 நாட்களுக்கு முழு ஊரடங்கு! - பிரதமர் மோடி

இன்று நள்ளிரவு 12 மணி முதல் நாடு முழுவதும் அடுத்த 21 நாட்களுக்கு முழு ஊரடங்கு! - பிரதமர் மோடி 

 #CoronaVirus | #COVID19 | #CoronavirusLockdown | 

கொரோனா அறிகுறி என்றால் உங்களுக்கு என்ன நடக்கும்..?

கொரோனா நோய் தொற்று ஏற்படாமல் இருக்க எதை செய்ய வேண்டும் ? என்பதையும் கொரோனா அறிகுறியுள்ள நோயாளிகள் எப்படி கையாளப்படுகிறார்கள் ? என்பதையும் சிறப்பு காட்சிகளுடன் விவரிக்கின்றது இந்த செய்தி தொகுப்பு...

கொரோனா பற்றிய பயம் தன் சாதிக்கு இல்லை என்று பேசித்திரியும் இவர்களைப் போன்றவர்களின் பேச்சை கேட்டால் அடுத்த வாரம் வருகின்ற கொரோனா கிருமி கூட, ஷேர் ஆட்டோவில் ஏறி அடுத்த நொடியே தொற்றிக் கொள்ளும் ஆபத்து உள்ளது..!</p>


கொரோனா வைரஸ் குறிப்பிட்ட மதத்தையோ ஜாதியையோ தாக்காது என்று எவரும் சொல்ல முடியாது..! கொரோனா தொற்று உள்ளவர் கைபட்டால் அல்லது அவர் தொடும் பொருளைத் தொட்டால் அழையா விருந்தாளியாக உங்களுடன் வந்து விடும் கொடிய விஷக்கிருமி கொரோனா என்பதை முதலில் புரிந்து கொள்ளுங்கள்..!



கொரோனா அறிகுறி என்று மருத்துவர்களால் சுட்டிக்காட்டப்படும் இருமல் தொடர் காய்ச்சல், சளி இருக்குமானால் மருத்துவ பரிசோதனை செய்து கொள்வது அவசியம். அப்படி மருத்துவ பரிசோதனைக்கு செல்லும் முன்னரே தனிமைப்படுத்திக் கொள்ளுதல் அதைவிட முக்கியம்.


முககவசம் அணிவது முதல் அதனை அப்புறப்படுத்துவது வரை மிகவும் கவனத்துடன் நடந்து கொள்ளவேண்டும், கைகளில் நோய்த் தொற்று பரவுவதை தவிர்க்கக் கூடிய கையுறை அணிந்தாலும், அதன் மேல் பகுதியில் கைகள் படாமல் கழற்றவும் கற்றுக் கொள்ள வேண்டும்

தும்மல் வந்தால் முழங்கையால் மறைத்து கொள்ளுங்கள். கதவுகளைத் திறக்கும் போது முழங்கையை பயன்படுத்துங்கள், லிப்ட் மற்றும் ஏ.டி.எம் களில் பணம் எடுக்கும்போது விரல்கள் இல்லாமல் குச்சிகளை பயன்படுத்தலாம்.

இப்படியெல்லாம் முன் எச்சரிக்கையாக இல்லாமல் ஊருக்குள் மெத்தனமாக உலாவரும் நோய் எதிர்ப்பு சக்தி குறைவான நபராக நீங்கள் இருந்தால் நிச்சயம், உங்களை கொரோனா ஆட்கொள்ளும்..! அப்போது இப்படித்தான் அழைத்து பேச ஆள் இல்லாமல் நிர்க்கதியாக தனிமைப்படுத்தப்பட்ட வார்டில் திக் திக் மனநிலையோடு தவித்து நிற்பீர்கள்..!



உங்களுக்கு ஆறுதல் சொல்ல நண்பர்களோ உறவினர்களோ பக்கம் இருக்க மாட்டார்கள், உங்களை அழைத்து செல்ல வரும் 108 ஆம்புலன்ஸ் மருத்துவப் பணியாளர்கள் பாதுகாப்பு கவசங்களுடன் இருந்தாலும் கூட, உங்களது காற்று கூட தங்கள் மீது பட்டுவிடக் கூடாது என்று தள்ளி நின்றே வேனில் ஏற அறிவுறுத்துவர்..!


உங்களை மேல் சிகிச்சைக்காக அழைத்துச் செல்லும் பகுதியில், உங்களுடன் ஒரே ஒரு நபர் மட்டுமே அனுமதிக்கப்படுவார், அவரும் தனது உயிரை உங்களுக்காக கொடுக்கும் மனப்பக்குவத்தில் இருந்தால் மட்டுமே உங்களுடன் வருவார்..! இல்லையேல் நீங்கள் தன்னந்தனியாக தான் கொரோனாவுடன் போராட வேண்டியதிருக்கும்..!

எனவே, முன் எச்சரிக்கையாக குடும்பத்துடன் வீட்டிலேயே இருந்து கொள்ளலாமா ? அல்லது ஊர் சுற்றி கொரோனாவை உடலில் வரவழைத்துக் கொள்ளலாமா ? என்பதை நீங்கள் தான் தேர்ந்தெடுக்க வேண்டும்..!

கொரோனா மீது அச்சம் கொள்ளுங்கள்..! வீட்டிலேயே பாதுகாப்புடன் தனித்து இருங்கள்...! அது அனைவருக்கும் நலம் பயக்கும்..! இதில் மெத்தனம், உயிரை மெல்ல சாகடிக்கும் கொரோனாவை வரவழைக்கும் என்பதை உணருங்கள்..!

சினிமா தொழிலாளர்களுக்கு முதன் முதலாக சிவகார்த்திகேயன் ரூ.10 லட்சம் நிதியுதவி

படப்பிடிப்பு ரத்து செய்யப்பட்டுள்ளதால் வாழ்வாதாரம் பாதிக்கப்பட்டுள்ள சினிமாதொழிலாளர்களுக்கு உதவ நடிகர் சிவகார்த்திகேயன் ரூ .10 லட்சம் நிதி உதவி அளித்துள்ளார்.

கொரோனா வைரஸ் அச்சம் காரணமாக கடந்த 19-ம் தேதி முதல் சினிமா படப்பிடிப்புகள் ரத்து செய்யப்பட்டன. இதனால் 25 ஆயிரம் உறுப்பினர்களைக் கொண்ட பெஃப்சியில் தினசரி 10 ஆயிரம் பேர் பாதிக்கப்படுவதாக தெரிவித்திருக்கும் அச்சம்மேளனத்தின் தலைவர் ஆர்.கே.செல்வமணி, இன்று திரைப்படத்துறையில் நல்ல நிலையில் இருக்கும் நடிகர், நடிகைகள், இயக்குநர்கள், தயாரிப்பாளர்களுக்கு வேண்டுகோள் ஒன்றையும் விடுத்திருந்தார்.

இதுகுறித்து ஆர்.கே.செல்வமணி விடுத்திருந்த அறிக்கையில் தெரிவிக்கப்பட்டிருப்பதாவது, “இந்த வேலை நிறுத்தத்தால் பாதிக்கப்பட்டுள்ள 15 ஆயிரம் பெஃப்சி ஊழியர்களுக்கு ஒரு குடும்பத்திற்கு ஒரு மூட்டை அரிசி தந்தால் அவர்கள் கஞ்சி சோறாவது சாப்பிட்டு உயிர் வாழ இயலும். 10 ஆயிரம் உறுப்பினர்களுக்கு ஒரு மூட்டை அரிசி அளிப்பதாக இருந்தால் ஒரு மூட்டை சுமாரான அரிசி என்றாலும் ரு.1250 என கணக்கு வைத்தால் ரூ.2 கோடி ஆகிறது.

கருணை உள்ளம் படைத்த தாங்கள் தயவு கூர்ந்து உங்களோடு பணிபுரிந்து உங்களோடு வாழ்ந்து வருகின்ற குடும்பங்களுக்கு உணவு அளிப்பீர். வாழ்வு அளிப்பீர். நிதி அளிப்பீர் என கேட்டுக் கொள்கிறோம்” என்று தெரிவிக்கப்பட்டிருந்தது.

இந்நிலையில் நடிகர் சிவகார்த்திகேயன் பெஃப்சி தொழிலாளர்களுக்கு ரூ.10 லட்சம் நிதியுதவி அளித்துள்ளார்.
முன்னதாக சிவக்குமாரின் குடும்பத்தினர் ரூ.10 லட்சம் நிதியுதவி அளித்திருந்ததும் குறிப்பிடத்தக்கது.

தமிழகத்தில் கொரோனா பாதித்தோர் எண்ணிக்கை 9 ஆக உயர்ந்துள்ளது

தமிழகத்தில் கொரோனா பாதித்தோர் எண்ணிக்கை 9 ஆக உயர்ந்துள்ளது. ஸ்பெயின் நாட்டில் இருந்து விமானம் மூலம் தமிழகம் வந்த ஒருவருக்கும், துபாயில் இருந்து சென்னை வந்த நெல்லையை சேர்ந்த ஒருவருக்கும், அமெரிக்காவில் இருந்து வந்த பெண்ணுக்கும் கொரோனா பாதிப்பு இருப்பது உறுதியாகியுள்ளது.

கடைசியில் இந்த கொரோனா அன்புமணியை டீ போட வைத்துவிட்டதே

கடைசியில் இந்த கொரோனா அன்புமணியை டீ போட வைத்துவிட்டதே

என்று நெட்டிசன்கள் புலம்ப ஆரம்பித்துள்ளனர்.. லுங்கியை இழுத்து மடித்து கட்டிக் கொண்டு கிச்சனுக்குள் நுழைந்து டீ போடுகிறார் அன்புமணி...இந்த போட்டோதான் இணையத்தில் வைரலாகி வருகிறது.

ஆரம்பத்தில் இருந்தே கொரோனா வைரஸுக்கு எதிரான கருத்துக்களையும், ஆலோசனைகளையும் முன் வைத்து வருகிறார்கள் டாக்டர் ராமதாஸும், அன்புமணி ராமதாஸும்! பிரதமர் ஊரடங்கு உத்தரவு அறிவிப்பதற்கு முன்பிருந்தே, அதாவது ஒரு வாரத்துக்கு முன்னரே, இதே கோரிக்கையை வலியுறுத்தி வருபவர் எம்பி அன்புமணி ராமதாஸ். இன்றுகூட இதை பற்றி அன்புமணி ஒரு கோரிக்கை விடுத்துள்ளார்.

அதில், "கொரோனா வைரசால் அதிகம் பாதிக்கப்படாத நாடு என்று கூறப்பட்ட இந்தியாவில் நேற்றைய நிலவரப்படி 332 பேர் பாதிக்கப்பட்டுள்ளனர். நேற்று ஒரே நாளில் 61 பேர் நோய்த்தொற்றுக்கு ஆளாகியுள்ளனர். தமிழகத்தில் நேற்று ஒரே நாளில் மூவருக்கு கொரோனா வைரஸ் தாக்குதல் உறுதி செய்யப்பட்டுள்ளது. கேரளத்தில் நேற்று மட்டும் 12 பேருக்கு கொரோனா தாக்குதல் கண்டறியப்பட்டுள்ளது. அனேகமாக நாளைக்குள் இந்தியாவில் கொரோனா வைரஸ் பாதிப்பு எண்ணிக்கை 500&ஐ கடக்கும் என்று மதிப்பிடப் பட்டுள்ளது. அவ்வாறு நடந்தால் இந்தியா ஆபத்தான நிலையை நோக்கி பயணிக்கிறது என்று பொருள்.

இந்தியா முழுவதும் இன்று ஊரடங்கு வெற்றிகரமாக நடைமுறைப்படுத்தப்படுகிறது. இதையே மூன்று வாரங்களுக்கு நீட்டிக்கும் போது, சில இழப்புகள் ஏற்படுவதை தவிர்க்க முடியாது. ஆனாலும் நாட்டையும், நாட்டு மக்களையும் காப்பாற்ற இதைத் தவிர வேறு வழியில்லை. ஆகவே, இன்றைய ஊரடங்கை நல்லத் தொடக்கமாக வைத்துக் கொண்டு 3 வாரங்களுக்கு ஊரடங்கை செயல்படுத்துவதற்கு மத்திய, மாநில அரசுகள் நடவடிக்கை எடுக்க வேண்டும்" என்று கேட்டுக் கொண்டுள்ளார்.

இந்நிலையில், ஒருநாள் மக்கள் ஊரடங்கு உத்தரவினை மதித்து வீட்டிலேயே பொழுதை பாதுகாப்புடன் கழித்து வருகிறார் அன்புமணி.. இது சம்பந்தமாக ஒரு போட்டோவும் வெளியாகி உள்ளது.. கிச்சனில் டீ போட்டு கொண்டிருக்கிறார் அன்புமணி.. டி-ஷர்ட் அணிந்து... லுங்கியை இழுத்து மடித்து கட்டிக் கொண்டு கிச்சனுக்குள் நுழைந்துள்ளார்.. பால் பாக்கெட்டை பிரித்து பாத்திரத்தில் ஊற்றி... டீ போட தயாராகிறார்.. இந்த போட்டோ எப்படி வெளியானது என்று தெரியவில்லை.. ஆனால் டாக்டரும், எம்பியுமான அன்புமணியை கொரோனா டீ போட வைத்து விட்டதே என்று கமெண்ட்கள் வர ஆரம்பித்துள்ளன!

தமிழகத்தில் நாளை காலை 5 மணி வரை மக்கள் ஊரடங்கு உத்தரவு நீட்டிக்கப்பட்டுள்ளது.

தமிழகத்தில் நாளை காலை 5 மணி வரை மக்கள் ஊரடங்கு உத்தரவு நீட்டிக்கப்பட்டுள்ளது.

கொரோனாவின் தாக்கம் நாளுக்கு நாள் அதிகரித்துள்ளது. மற்ற நாடுகளில் வைரஸின் தாக்கம் 4 அல்லது 5 ஆவது வாரத்தில் அதிகமாக இருந்தது. அது போல் இந்தியாவிலும் ஏற்பட்டு அனைவருக்கும் வைரஸ் பாதிக்கக் கூடாது என மத்திய அரசு முன்னெச்சரிக்கை நடவடிக்கையை எடுக்கிறது.

இந்த 4 ஆவது வாரத்தில் கொரோனாவை 3 ஆவது நிலையை அடைவதிலிருந்து தடுக்க நாடு முழுவதும் இன்று சுய ஊடரங்கு பிறப்பிக்க பிரதமர் நரேந்திர மோடி உத்தரவிட்டார். அதன்படி இன்று காலை 7 மணி நாடு முழுவதும் ஊரடங்கு தொடங்கியது. இது இரவு 9 மணி வரை நீடிக்கும் என அறிவிக்கப்பட்டது.

இந்த நிலையில் காலை 7 மணி முதல் இரவு 9 மணி வரை யாரும் வீட்டை விட்டு வெளியே வர வேண்டாம் என அறிவுறுத்தியுள்ளது. அதோபோல் அனைத்து கடைகளும் அடைக்கப்பட்டுள்ளன. இந்த நிலையில் தமிழகத்தில் நாளை காலை 5 மணி வரை ஊரடங்கு உத்தரவு நீட்டிக்கப்பட்டுள்ளதாக அரசு அறிவித்துள்ளது.

பொதுமக்களின் நலன் கருதி இந்த நீட்டிப்பு செய்யப்பட்டுள்ளதாகவும் அனைவரும் ஒத்துழைப்பு நல்குமாறும் தமிழக அரசு கேட்டுக் கொண்டுள்ளது. எனினும் அத்தியாவசிய பணிகள் தொடர எந்த தடையும் இல்லை என தெரிவித்துள்ளது.

புதுவையில் வரும் 31-ஆம் தேதி வரை 144 தடை உத்தரவு போடப்பட்டிருக்கும் நிலையில் தமிழகத்தில் நாளை காலை வரை ஊரடங்கு நீட்டிக்கப்பட்டுள்ளது.

கொரோனா முன்னெச்சரிக்கை நடவடிக்கை - அரசுக்கு ரஜினிகாந்த் பாராட்டு

கொரோனா வைரஸ் பரவாமல் தடுக்க அரசு எடுக்கும் முன்னெச்சரிக்கை நடவடிக்கைகள் பாராட்டும் வகையில் உள்ளதாக நடிகர் ரஜினிகாந்த் தெரிவித்துள்ளார்.

கொரோனா வைரஸ் பரவாமல் தடுக்க, அரசு எடுக்கும் முன்னெச்சரிக்கை நடவடிக்கைகள், பாராட்டும் வகையில் உள்ளதாக நடிகர் ரஜினிகாந்த் தெரிவித்துள்ளார். இது தொடர்பான தமது டிவிட்டர் பதிவில், அரசோடு சேர்ந்து மக்களும் இணைந்து, கொரோனா வைரஸை தடுக்க ஒத்துழைப்பு வழங்க வேண்டும் என கோரிக்கை விடுத்துள்ளார். மேலும், வாழ்வாதாரம் பாதிக்கப்பட்டுள்ள மக்களுக்கு அரசு உதவித்தொகை வழங்க வேண்டும் எனவும் ரஜினி வேண்டுகோள் விடுத்துள்ளார்.

கொரோனா வைரஸை பரவுவதை தடுக்க இந்த உணவுகளை சாப்பிடாதீர்கள்!

உலக மக்களை அச்சுறுத்தி கொண்டிருக்கும் கொரோனா வைரஸ் ஆனது, தற்போது சீனாவில் கட்டுக்குள் வந்து நோயாளிகள் குறைந்து வருகின்றன. ஆனால் மற்ற நாடுகளில் ஈரான், இத்தாலி, உள்ளிட்ட நாடுகளில் பாதிப்பு மோசமாகியுள்ளது.

இந்தியாவிலும் இதுவரை 129 பேர் பாதிப்பு இருப்பதாக தெரிவித்தனர். ஏற்கனவே இரண்டு பேர் கொரோனாவால் உயிரிழந்த நிலையில் மூன்றாவதாக ஒரு நபரும் உயிரிழந்துள்ளார்.

இதனையடுத்து, கொரோனா வைரஸ் பரவுவதை தடுக்க பொதுமக்கள் குளிர் பானங்கள் அருந்துவதையும், ஐஸ்கிரீம், பானி பூரி சாப்பிடுவதையும் தவிர்க்க வேண்டும் என்று குடகு மாவட்ட கலெக்டர் அனிஷ்கண்மணிஜாய் வேண்டுகோள் விடுத்துள்ளார்.

மேலும், சுற்றுலா தலங்கள் அதிகமாக இருப்பதால் அங்கு வந்துள்ள வெளி மாநில சுற்றுலா பயணிகள் குறித்து மாவட்ட நிர்வாகத்திற்கு தகவல் தெரிவிக்க வேண்டும் என்றும் அவர் உத்தரவிட்டு உள்ளார்.

கொரோனாவால் வீட்டில் அலுவலகப் பணி.. மனைவியுடன் காதலை வெளிப்படுத்த இதுவே சரியான நேரம்!

கொரோனா பாதிப்பால் அலுவலகங்கள் வீட்டிலிருந்தே பணியாற்றும் வசதிகளை அளித்துள்ளது. இதனால் கொரோனா பரவலைத் தடுக்கவும், ஊழியர்களின் நலன் கருதியும் நிறுவனங்கள் இந்த முடிவை எடுத்துள்ளன. இந்நிலையில் என்னதான் அலுவலகப் பணி செய்தாலும் வீட்டில் இருக்கும் அன்பு மனைவியை சற்றும் கண்டுகொள்ளாமல் இருத்தல் நியாயமில்லை. அதேசமயம் மனைவியுடன் நேரம் ஒதுக்குவதற்கும் உங்கள் மனைவியுடன் காதலை வெளிப்படுத்த  இதுவே சரியான நேரம்.

கணவன் மனைவி இருவரும் வேலைக்குச் செல்கிறீகள். உங்களுக்கும் வீட்டில் அலுவலகப் பணி என்றால் அவர்களுக்கும் இதுவே பொன்னான வாய்ப்பு..!

குறிப்பு : காதல் உணர்வுகளால் மட்டுமே பிணைப்போடு இருங்கள். உணர்ச்சிவசப்பட்டு உடல் ரீதியான பிணைப்பில் இணைந்துவிடாதீர்கள். அடிக்கடி இது கொரோனா காலம் என்பதை மறவாதீர்.

ரொமான்டிக் படங்கள் பாருங்கள். புத்தகப் பிரியர்கள் என்றால் நீண்ட நாட்களாக படிக்க வேண்டும் என்று பட்டியலிட்ட காதல் புத்தகங்களைப் படியுங்கள். காதல் படங்கள் இருந்தால் இருவரும் இணைந்து பாருங்கள்.


 வீட்டை விட்டு வெளியே போக வேண்டாம் என அறிவுறுத்தப்படுவதால் வீட்ட்லேயே இணைந்து ஃபிரீ டைமில் இண்டோர் கேம் விளையாடுங்கள். அப்போது மகிழ்சியான , ஆரோக்கியமான போட்டிகளை வகுத்து அன்பால் ஒருவரையொருவர் வெல்லுங்கள்..

கொரோனா அச்சம் : காதலிக்கு முத்தம், தாம்பத்திய உறவு ஈடுபடலாமா..?

கூட்டமாக இருக்காதீர்கள், ஒருவரையொருவர் தொட்டுக்கொண்டு பேசாதீர்கள், 6 அடி தள்ளியே பேசுங்கள், கை குலுக்காதீர்கள்...இப்படி மனிதனுக்கு மனிதனே எதிரி என்பது போல் ஆக்கிவிட்டது கொரோனா அச்சம்.

என்னதான் பாதுகாப்புகள் கருதி இதையெல்லாம் பின்பற்றினாலும் உணர்ச்சிகளைக் கட்டுப்படுத்துவது கடினம்தான். இந்நிலையில் தன் காதல் மனைவியை, அன்புக் காதலனைக் கட்டியனைத்து முத்தம் கொடுத்தால் கூட தவறா என்ற கேள்வி பலருக்கும் எழலாம்

கொரோனா வைரஸே தாக்கியிருந்தாலும் அதன் அறிகுறி தெரிய  குறைந்தது ஐந்து நாட்களாவது ஆகும் என்கிறார்கள். இந்நிலையில் உங்கள் அன்புத் துணைக்கும் இருந்தால் ..?

கொரோனா வைரஸ் உடலுறவு கொள்வதால் பரவுமா என்பது இதுவரை நிரூபிக்கப்படவில்லை. அதேசமயம் கருத்தரித்தலும் பாதுகாப்பனதா என்பதும் உறுதியளிக்கவில்லை. இருப்பினும் கொரோனா தொடுதல், இருமல் மூலம் பரவுகிறது என்பதால் உடல் சார்ந்து உங்களுடைய பாலுணர்வுகளை வெளிப்படுத்துவதைக் கட்டுப்படுத்துதல் அவசியம்.

எச்சில் துப்புதலும் தவறே என்று கூறிவரும் நிலையில் உதட்டோடு உதடு முத்தம் தருதலும் ஆபத்துதான். அதற்காக இந்த வைரஸ் தொண்டை வழியாகப் பரவுதல் என்பது அர்த்தமல்ல. எந்த விஷயம் உங்களை அடிக்கடி பாலியல் உணர்ச்சிகளுக்குத் தூண்டுகிறதோ அதில் கவனம் மிக மிக அவசியம். அதேபோல் உடலுறவு மூலமாகவும் பரவுகிறது என்பதற்கும் எந்தவித ஆதாரங்களும் இதுவரை இல்லை. இருப்பினும் இந்த சமயத்தில் உடல் பாதுகாப்புக் கருதி   உணர்ச்சிகளைக் கட்டுப்படுத்துதல் அவசியம்.

அதேபோல் வீட்டில் கணவன் , மனைவி இருவரும் வேலைக்குச் செல்கிறீர்கள் எனில் வீட்ற்கு வந்ததும் மீண்டும் ஒருமுறைக் குளித்துவிடுவது நல்லது. வீட்டையும் அலங்கோலமாக இல்லாமல் இந்த நேரத்தில் சுத்தமாக வைத்துக்கொள்வது அவசியம். கைகளை அடிக்கடிக் கழுவுங்கள், சானிட்டைஸர் பயன்படுத்துங்கள்.

காதலர்கள் சந்திப்புகளை தள்ளி வைப்பது நல்லது. பொதுவெளியில் சந்திப்பது மட்டுமன்றி அவ்வாறு சந்திக்கும்போது பாலின உணர்ச்சிகளைக் கட்டுப்படுத்துவது கடினம். அதேபோல் தொலைதூரக் காதலர்களும் சந்திப்பை தவிர்ப்பது நல்லது. சந்திப்பிற்கு பதிலாக வீடியோ கால் மூலம் பேசலாம்.

அதேபோல் சிங்கில்ஸ் டேட்டிங் ஆப்ஸ் மூலம் புதிய நபர்களைச் சந்திப்பதையும் தவிர்த்துவிடுங்கள். வெளிநாடுகளிலும் உடலுறவுக் கொள்வதைக் காட்டிலும் சுய இன்பம் காணுதலே சிறந்தது என அறிவுறுத்துகின்றனர். இதை நியூயார்க் போஸ்ட் , வாக்ஸ், ஹெல்த் போன்ற இதழ்களும் அறிவுறுத்துகின்றன. செக்ஸ் டாய்ஸ் பயன்படுத்தினாலும் அதற்கு முன் கைகளை கழுவி சானிடைஸர் தடவியபின் பயன்படுத்துங்கள். செக்ஸ் டாய்ஸுகளையும் சுத்தமாக வைத்துக்கொள்ளுங்கள் என அறிவுறுத்துகின்றன.
ஆக, எதுவாக இருந்தாலும் உங்கள் தாம்பத்திய உறவை தள்ளி வைப்பது நல்லது என்பதே மருத்துவர்களின் அறிவுரை.

துபாய் வழியாக சென்னை வந்த 14 பேருக்கு கொரோனா அறிகுறி..!

துபாய் வழியாக சென்னை வந்த விமானத்தில் 14 பேருக்கு கொரோனா அறிகுறி இருந்ததால் பூந்தமல்லியில் உள்ள அரசு பொது சுகாதார நிறுவனத்தில் மருத்துவர்களின் கண்காணிப்பில் உள்ளனர்.

துபாய் வழியாக இன்று சென்னை வந்த விமானத்தில் பயணம் செய்த பயணிகளில் 5 பெண்கள், 9 ஆண்கள். இவா்களில் தமிழ்நாட்டை சோ்ந்தவா்கள் 9 பேரும், ஆந்திரா மாநிலத்தை சேர்ந்த 3 பேரும், புதுச்சேரியைச் சேர்ந்த 2 பேரும் ஆவர்.

தமிழகத்தை சோ்ந்தவா்களில் 7 போ் சென்னை மற்றும் புறநகா் பகுதிகளை சோ்ந்தவா்கள் என்பது குறிப்பிடத்தக்கது. கொரோனா அறிகுறி உள்ள 14 பேரும் 30 லிருந்து 40 வயதுக்குட்பட்டவா்கள்.

இவா்கள் டென்மார்க், ஸ்வீடன், பிரான்ஸ், இத்தாலி, ஜொ்மன், சுவிட்சா்லாந்து நாடுகளில் பல்வேறு நிறுவனங்களில் பணியாற்றியவா்கள். தற்போது கொரோனா வைரஸ் பீதி காரணமாக சொந்த நாட்டிற்கு துபாய் வழியாக வந்துள்ளனா். இவா்கள் 14 பேருக்கும் கொரோனா அறிகுறி இருந்ததால் பூந்தமல்லியில் உள்ள அரசு பொது சுகாதார நிறுவனத்தில் தனி அறைகள் ஒதுக்கப்பட்டு தீவிர கண்காணிப்பில் இருந்து வருகின்றனர்.

இவர்கள் சுமார் 14 நாட்கள் முதல் 28 நாட்கள் மருத்துவர்களின் தொடர் கண்காணிப்பில் இருப்பார்கள் எனவும் மேலும் கூடுதலாக ஆட்கள் வந்தால் அவர்களையும் தங்க வைக்க இட வசதி உள்ளதாகவும் மருத்துவர்கள் தெரிவித்தனர். இதில் வெளிநாட்டில் வேலை செய்தவர்கள் மற்றும் சுற்றுலா சென்றவர்கள் அடங்கும். இதன் காரணமாக வெளியாட்கள் யாரும் உள்ளே அனுமதிக்கப்படவில்லை குறிப்பிடத்தக்கது.

கடத்தப்பட்டதாக கூறப்பட்ட இளமதி நீதிமன்றத்தில் பரபரப்பு வாக்கு மூலம்.!

காதலனுடன் வீட்டிலிருந்து வெளியேறி சாதி மறுப்பு திருமணம் செய்து கொண்ட இளம்பெண், உறவினர்களால் கடத்தப்பட்டதாக புகார்கள் எழுந்தன. ஆனால், காவல் நிலையத்திலும், நீதிமன்றத்திலும், ஆஜரான அந்த பெண், பெற்றோருடன் செல்வதாக கூறியுள்ளார்.

ஈரோடு மாவட்டம் பவானி அருகே உள்ள கவுந்தபாடி கிராமத்தைச் சேர்ந்த செல்வன் என்ற இளைஞரும், குருப்பநாயக்கன் பாளையம் கிராமத்தைச் சேர்ந்த இளமதி என்ற பெண்ணும் காதலித்துள்ளனர். தனியார் நிறுவனத்தில் இருவரும் ஒன்றாக வேலை செய்தபோது ஏற்பட்ட நட்பு காதலாக மாறியுள்ளது. இருவரும் வெவ்வேறு சமூகத்தைச் சேர்ந்தவர்கள் என்பதால், வழக்கம் போலவே காதலுக்கு பெண்ணின் தரப்பில் கடும் எதிர்ப்பு எழுந்துள்ளது.

எதிர்ப்புக்களையெல்லாம் பொருட்படுத்தாத அந்த ஜோடி, கடந்த 9-ம் தேதி சேலம் அருகே உள்ள காவலாண்டியூர் பகுதிக்கு சென்று, சாதிமறுப்பு திருமணம் செய்து கொண்டனர். திருமணத்திற்கு, செல்வனின் நண்பர் ஈஸ்வரன் என்பவர் உதவி செய்து அடைக்கலம் கொடுத்துள்ளார். இதற்கிடையில், தமது மகள் கடத்தப்பட்டதாக, இளமதியின் பெற்றோர், பவானி காவல் நிலையத்தில் புகார் அளித்தனர்.



அன்று இரவு 8 மணியளவில், திடீரென 4 கார்கள் மற்றும் 10-க்கும் மேற்பட்ட இருசக்கர வாகனங்களில் வந்த 40-க்கும் மேற்பட்டோர் கொண்ட கும்பல், புதுமணத் தம்பதியையும், திருமணத்திற்கு உதவிய ஈஸ்வரனையும் கடத்திச் சென்றது. இதுகுறித்து, ஈஸ்வரன்  தரப்பினர் அளித்த புகாரின் அடிப்படையில், இளமதியின் தந்தை ஜெகன்நாதன் உள்ளிட்ட 18 பேரை போலீசார் கைது செய்தனர். மேலும் கடத்தப்பட்ட செல்வனையும், ஈஸ்வரனையும் மீட்டனர். ஆனால், 5 நாட்களாக இளமதியின் நிலை என்ன என்பது தெரியாமல் இருந்து வந்தது. பெற்றோரால் கடத்திச் செல்லப்பட்ட இளமதியை போலீசார் மீட்க வேண்டும் என்று பல்வேறு தரப்பினரும் வலியுறுத்தி வந்தனர்.

இதையடுத்து, இளமதியை போலீசார்  தனிப்படை அமைத்து தேடி வந்தனர். இந்த நிலையில், திடீரென மேட்டூர் மகளிர் காவல் நிலையத்தில், இளமதி, வழக்கறிஞர் சரவணன் மற்றும் தாயுடன் வந்து ஆஜரானார். அப்போது இளமதியிடம் காவல் துணை கண்காணிப்பாளர் சவுந்தரராஜன் விசாரணை செய்தார். அப்போது, இளமதி தாயாருடன் வீட்டிற்கு செல்வதாக தெரிவித்தார். இதையடுத்து, இளமதியிடம் காவல்துறை உயரதிகாரிகள் எழுதி வாங்கிக் கொண்டு அவரை வீட்டுக்கு அனுப்பிவைத்தனர்.



இதற்கிடையே, தமது மனைவி கடத்திச் செல்லப்பட்டுள்ளதாக செல்வன் மேட்டூர் காவல் நிலையத்தில் புகார் அளித்தார். இந்நிலையில், வழக்கறிஞர்கள், சேலம் அஸ்தம்பட்டி அருகில் உள்ள ஒருங்கிணைந்த நீதிமன்றத்திற்கு இளமதியை அழைத்து வந்தனர். அப்போது,  மாவட்ட முதன்மை நீதிபதி குமரகுரு முன்னிலையில் இளமதி ஆஜர்படுத்தப்பட்டார். அப்போது நடத்தப்பட்ட விசாரணையின்போது, தன்னை யாரும் கடத்தவில்லை என்றும் சொந்த விருப்பத்தின் பேரில் தாயுடன் செல்வதாகவும் இளமதி நீதிபதியிடம் தெரிவித்தார்.

இதனையடுத்து இளமதியின் விருப்பப்படி நீதிபதி குமரகுரு பெற்றோருடன் செல்ல அனுமதித்தை தொடர்ந்து அவர் வீட்டுக்கு அழைத்துச் செல்லப்பட்டார். இளமதி வழக்கறிஞர்கள் மற்றும் 50-க்கும் மேற்பட்ட உறவினர்களுடன் வந்ததால் நீதிமன்ற வளாகத்தில் பரபரப்பு நிலவியது. காதலரை சாதி மறுப்பு திருமணம் செய்து கொண்ட இளம்பெண், பெற்றோருடன் போவதாக கூறியது, காதலன் செல்வன் தரப்பினரை அதிர்ச்சியில் ஆழ்த்தியுள்ளது.

தினமும் உடலுறவு கொள்வதில் இத்தனை நன்மைகளா?

தினமும் உடலுறவு கொள்வதில் இத்தனை நன்மைகளா?

உடலுறவு என்பது இரு தனி நபர்களை உடலளவில் மட்டும் இணைக்கும் விஷயம் அல்ல., உடலை தாண்டி மனதையும் இணைக்கும் விஷயம்...

மனிதர்களை பொருத்தமட்டில் உடலுறவு என்பது இன்பம் பயக்கும் விஷயமாக இருக்கலாம். ஆனால் அது இரு உள்ளங்களை இணைக்கும் விஷயம் என்பது உன்மை.

பல்வேறு ஆய்வுகளின் முடிவின் படி ஒரு ஆண் நாள் ஒன்றுக்கு 8000 முறை (அ) 7 நிமிடங்களுக்கு ஒரு முறை உடலுறவு பற்றி நினைக்கின்றார் என கூறப்படுகிறது. அதே வேளையில் பெண் ஒருத்தி 18 நிமிடங்களுக்கு ஒரு முறை உடல் உறவு பற்றி நினைத்து பார்கின்றால் என மற்றொரு ஆய்வு கூறுகிறது.

மனித உணர்வுகளை மையப்படுத்திய இந்த விஷயத்திற்கு எண்களால் கட்டுப்பாடு விதிப்பது என்பது இயலாத காரியம். சொல்லப்போனால் மனிதராக பிறந்த ஒவ்வொருவரும் தங்கள் வாழ்நாளில் ஒரு கட்டத்திற்கு பின்னர் ஒவ்வொரு நாளும் உடல் உறவு பற்றி நினைத்து பார்க்கத் தான் செய்கின்றனர்.


சரி போகட்டும்., இந்த உடலுறவு கொள்வதால் மனித உடம்பில் ஏற்படும் நன்மைகள் பற்றி தெரியுமா?. ஸ்பேனிஸ் ஆய்வாளர்களின் ஆய்வின் படி உடலுறவு கொள்வதால் ஏற்படும் நன்மைகள் என்ன என்பது குறித்த பட்டியல் கீழே...

நோய் எதிர்ப்பு சக்தி - குறிப்பிட்ட கால இடைவெளியில் உடலுறவு வைத்துக்கொள்ளுதல் மூலம் மனிதர்களுக்கு நோய் எதிர்ப்பு சக்தி அதிகரிக்கின்றது.

இதய நோய் குறையும் - ஒரு மனிதர் இயல்பான உடலுறவு (வாரம் இரண்டு முறை) உடலுறவு வைத்துக்கொண்டால் இதய நோய்களுக்கான அறிகுறிகள் குறையும்.

ரத்த அழுத்தம் - உடலுறவிற்கும் ரத்த அழுத்தத்திற்கு ஒரு தொடர்பு உண்டு., முறையான உடலுறவு சீரான ரத்த அழுத்தத்தினை பராமரிக்கும் என கூறப்படுகிறது.

நிவாரணம் - தலைவலி, உடல்வலி போன்ற சிறிய வலிகளுக்கும் உடலுறவு ஒரு சிறு நிவாரணம் அளிக்கும் எனவும் கூறப்படுகிறது.

உடற்பயிற்சியாகும் உடலுறவு- முறையான உடல் உறவு உடற்பயிற்ச்சி சமானம் என கூறப்படுகிறது. உடலின் ரத்த அழுத்தம், கலோரிஸ், சதைகளை பலப்படுத்தல் போன்ற மாற்றங்களை ஏற்படுத்தும் உடலுறவு என்பது ஒரு உடற்பயிற்சியாகவே கருதப்படுகிறது.

நினைவாற்றல் - உடலுறவு கொள்வதால் அங்கத்தில் ஏற்படும் அமைதி மூலைக்கான சீரான ஓய்வினை அளிக்கின்றது, எனவே நினைவாற்றல் அதிகரிக்க வாய்ப்புகள் உள்ளது.

புற்றுநோய் தடுப்பு - தொடர்ச்சியான உடலுறவு கொள்ளும் ஆண்களுக்கு ப்ரோஸ்டேட் புற்றுநோய் ஏற்படாது என கூறப்படுகிறது.

ஆழ்ந்த தூக்கம் - உடலுறவின் உச்சத்தை அடைந்த நிலையில் ஏற்படும் பரிமாற்றம், ஆழ்ந்த உறக்கத்திற்கு வித்திடும்.

ஆடையில்லாமல் தூங்கினால் இத்தனை நன்மைகளா?

உறக்கம் என்பது அணைத்து உயிரினங்களுக்கும் மிகவும் அவசியமான ஓன்று. மனிதன் மட்டும் இதுக்கு விதிவிலக்கல்ல. தூங்க கூட நேரம் இல்லை என்று எத்தனையோ பேர் சொல்லி நாம் கேள்விப்பட்டிருப்போம். இதுபோன்று தூங்காமல் இருப்பதால்தான் பல்வேறு பிரச்சைனைகள் நம்மை வந்து சேர்கிறது.

சரியான தூக்கம் இல்லாவிட்டால் ஹார்மோன்கள் வளர்ச்சிதை மாற்றம், மனஅழுத்தம், உடல் பருமன் போன்ற பல்வேறு பிரச்சனைகள் வருகின்றன. இதுபோன்ற சமயங்களில் சரியாக தூங்கி எழுந்தாலே இந்த பிரச்சனைகள் சரியாகிவிடும்.

அதிலும் இரவு நிர்வாணமாக  உறங்கினால் பல நன்மைகள் கிடைப்பதாக ஆய்வுகள் தெரிவிக்கின்றன. இரவில் உடை இன்றி தூங்குவதால் உடலின் வெப்ப அளவு குறையும். அதிகப்படியான மன அழுத்தம் நமது உடல் ஆரோக்கியத்தையே கெடுத்துவிடும், இதனை தடுக்க நல்ல உறக்கமே சிறந்த மருந்தாகும்.

மேலும் இரவில் உடல் இல்லாமல் தூங்குவதால் உடலின் வெப்ப அளவு குறைந்து இரத்த ஓட்டம் சீராகிறது. இதனால் நம் உடல் குளிர்ச்சி அடைந்து உடல் எடையை குறைக்கும். இரவில் ஆடைகளின்றி உறங்குவதால் தனது உடலின் மீதான நம்பிக்கையும், தன்னம்பிக்கையும் அதிகரிக்கும் என்று உளவியலாளர்கள்  கூறுகின்றனர்.

நண்பர் அஜித் என்ற வார்த்தை இந்தியளவில் மிக பெரிய ட்ரென்டாகி வருகிறது!

இன்று விஜய் மற்றும் விஜய் சேதுபதி லோகேஷ் கனகராஜ் இயக்கத்தில் இணைந்து நடித்து முடித்திருக்கும் மாஸ்டர் படத்தின் ஆடியோ லான்ச் நடந்து முடிந்தது.

இதில் விஜய்யின் ஸ்பீச் அனைவரையும் கவரும் விதத்தில் இருந்தது.

ரசிகர்கள் எதிர்பார்த்ததை விட பல மடங்கு இருந்தது விஜய்யின் ஸ்பீச் என்று கூட கூறலாம்.

அந்த வகையில் மேடையை அதிரும் அளவிற்கு பேசினார் தளபதி விஜய். பேசுவது மட்டுமல்ல நடனமாடி அனைவரையும் ஆசிரியத்தில் ஆழ்த்தினார் என்று தான் சொல்லவேண்டும்.

தளபதி விஜய் பேசிக்கொண்டு இருக்கும் போது "நண்பர் அஜித் மாதிரி வரலாம் நினைச்சேன்" என்று கூறினார்.

இந்நிலையில் தற்போது இவர் கூறிய ஒரே வார்த்தை நண்பர் அஜித் என்ற வார்த்தை இந்தியளவில் மிக பெரிய ட்ரென்டாகி வருகிறது

.

நண்பர் தல அஜித் மாதிரி வாழ ஆசைப்படும் விஜய்!

மாஸ்டர் இசை வெளியீட்டு விழாவில் முதல் முறையாக கோட் சூட் அணிந்து வந்த விஜய், நண்பர் அஜித் மாதிரி உடையணிந்து வந்திருப்பதாக மேடையிலேயே தெரிவித்தார்.

லோகேஷ் கனகராஜ் இயக்கத்தில் விஜய், விஜய் சேதுபதி, மாளவிகா மோகன் உள்ளிட்டோர் நடிப்பில் உருவாகியுள்ள படம் மாஸ்டர். சேவியர் பிரிட்டோ தயாரிப்பில் அனிருத் இசையில் பிரமாண்டமாக உருவாகியிருக்கும் இத்திரைப்படத்தை ஏப்ரல் 9-ம் தேதிக்கு திரைக்கு கொண்டு வர படக்குழு திட்டமிட்டுள்ளது.

இந்நிலையில் இன்று மாஸ்டர் திரைப்படத்தின் இசை வெளியீட்டு விழா சென்னையில் உள்ள நட்சத்திர ஹோட்டலில் நடைபெற்றது. இதில் கலந்து கொண்டு பேசிய நடிகர் விஜய், “மக்களுக்கு எது தேவையோ அதைதான் சட்டமாக்கனுமே தவிர, சட்டத்தை உருவாக்கிவிட்டு அதில் மக்களை அடக்கக் கூடாது” என்று கூறியுள்ளார்.

மேலும் விஜய் பேசுகையில், மாஸ்டர் இசை வெளியீட்டு விழாவில் ரசிகர்கள் இல்லை என்பது எனக்கு வருத்தமளிக்கிறது. நம்மை பிடிக்காதவர்கள் நம் மீது கல் எறிவார்கள். அவர்களை சிரிப்பாலேயே கொல்ல வேண்டும். உண்மையாக இருக்க வேண்டும் எனில் சில நேரங்களில் ஊமையாக இருக்க வேண்டும். நண்பர் அஜித் மாதிரி இந்நிகழ்வுக்கு கோட் ஷூட் போட்டு வந்திருக்கிறேன். நன்றாக இருக்கிறதா? விஜய் சேதுபதி எனக்கு பெயரில் மட்டும் இடம் கொடுக்கவில்லை, மனதிலும் இடம் கொடுத்துள்ளார்” என்றார்.

இதைத்தொடர்ந்து நிகழ்ச்சித் தொகுப்பாளர் மேடையில் உள்ள விஜய்யிடம் 20 வருடத்திற்கு முன்பு வாழ்ந்த விஜயிடம் ஒரு கேள்வி கேட்க வேண்டுமென்றால் என்ன கேட்பீர்கள்? என்று கேள்வி எழுப்பினார். அதற்கு பதிலளித்த நடிகர் விஜய், ரெய்டு எல்லாம் இல்லாத அந்த அமைதியான வாழ்க்கை வேண்டும் என்று கேட்பேன் என்றார்.

இந்தியாவில் கொலைகார கொரோனாவுக்கு 2 பேர் பலியால் மக்கள் அச்சம்

இந்தியாவில் கொரோனாவால் உயிரிழந்தவர்களின் எண்ணிக்கை 2 ஆக உயர்ந்துள்ளது. டெல்லியைச் சேர்ந்த மூதாட்டி ஒருவர் மரணடைந்துள்ளார். டெல்லி, கர்நாடகா, கேரளா, மகாராஷ்டிராவில் கொரோனாவால் பாதிக்கப்பட்டவர்களின் எண்ணிக்கை உயர்ந்து வருகிறது.

கொரோனாவால் பாதிக்கப்பட்ட டெல்லியைச் சேர்ந்த 68 வயதான மூதாட்டி ஆர்.எம்.எல். மருத்துவமனையில் நேற்றிரவு உயிரிழந்தார். அவருக்கு கொரோனாவால் பாதிக்கப்பட்ட மகன் மூலம் வைரஸ் பரவியிருந்தது. இந்தியாவில் கொரோனாவால் ஏற்படும் இரண்டாவது உயிரிழப்பு இதுவாகும்.

கர்நாடகாவின் கல்புர்கியைச் சேர்ந்த முதியவர் ஏற்கெனவே மரணமடைந்திருந்தார். இந்தியாவில் கொரோனாவால் பாதிக்கப்பட்டவர்களின் எண்ணிக்கை நேற்று மாலை நிலவரப்படி 82 ஆக இருந்தது.

டெல்லி, கர்நாடகா, மகாராஷ்டிரா மற்றும் கேரளாவில் புதிதாக மேலும் சிலருக்கு கொரோனா பாதிப்பு கண்டறியப்பட்டுள்ளது. அதனால் கொரோனா தடுப்பு நடவடிக்கைகளை அந்த மாநிலங்கள் முடுக்கி விட்டுள்ளன.

கர்நாடகாவில் வணிக வளாகங்கள், இரவு விடுதிகள், தியேட்டர்கள் ஒரு வாரத்திற்கு மூடப்பட்டுள்ளன. கண்காட்சிகள், திருமணங்கள், மாநாடுகள், பிறந்த நாள் கொண்டாட்டங்களை நிறுத்துமாறு முதல்வர் எடியூரப்பா உத்தரவிட்டுள்ளார்.

மும்பை, நவி மும்பை, நாக்பூர் உள்ளிட்ட 5 மகாராஷ்டிர நகரங்களில் நேற்றிரவு முதல் திரையரங்குகள், உடற்பயிற்சிக் கூடங்கள், நீச்சல் குளங்கள் மூடப்பட்டுள்ளன. வைரஸ் பாதிப்பு அதிகரித்து வருவதால், கர்நாடகா, கேரளா, டெல்லி, கோவா, உத்தர பிரதேசம், சத்தீஷ்கர், உத்தரகாண்ட், பீகார், மத்திய பிரதேசம் மாநிலங்களில் பள்ளிகள் வரும் 31ஆம் தேதி வரை மூடப்படுவதாக அறிவிக்கப்பட்டுள்ளது. முகமூடி, கை சுத்திகரிப்பு திரவம் ஆகியவற்றை வரும் ஜூன் மாதம் வரை அத்தியாவசியப் பொருட்களின் பட்டியலில் மத்திய அரசு சேர்த்துள்ளது.

இதன் மூலம் அவற்றை பதுக்கி வைப்பது குற்றமாக கருதப்படும் என்பதோடு மட்டுமின்றி கூடுதல் விலைக்கு விற்றாலும் நடவடிக்கை எடுக்கப்படும்.

கொரோனா பீதியால் வரும் 29 ஆம் தேதி தொடங்க இருந்த ஐபிஎல் கிரிக்கெட் தொடரும், ஏப்ரல் 15 ஆம் தேதிக்கு ஒத்திவைக்கப்பட்டுள்ளது. இந்தியா - தென்னாப்ரிக்கா அணிகள் இடையே லக்னோவில் நாளையும் கொல்கத்தாவில் வரும் 18 ஆம் தேதியும் நடைபெற இருந்த ஒருநாள் கிரிக்கெட் போட்டிகள் ரத்து செய்யப்பட்டுள்ளன.

மேலும், ஏர் இந்தியா நிறுவனம் ஏப்ரல் 30ம் தேதி பிரான்ஸ், இலங்கை, உள்ளிட்ட 7 நாடுகளுக்கான விமான சேவையை ஏப்ரல் 30 வரை ரத்து செய்துள்ளது.

இதனிடையே, கொரோனா குறித்து காணொலிக் காட்சி மூலம் விவாதிக்க சார்க் நாடுகளின் தலைவர்களுக்கு பிரதமர் மோடி அழைப்பு விடுத்துள்ளார். இது தொடர்பாக ட்விட்டரில் பதிவிட்டுள்ள அவர், உலக மக்கள் தொகையில் குறிப்பிடத்தக்க அளவிலான மக்கள் தெற்கு ஆசியாவில் வசித்து வருவதாகவும் நமது மக்களை ஆரோக்கியமாக வைத்திருக்க அனைத்து நடவடிக்கைகளையும் மேற்கொள்ள வேண்டும் என்றும் மோடி வலியுறுத்தியுள்ளார்.


சீனாவில் தொடங்கி தற்போது உலகிற்கே அச்சுறுத்தலாக இருக்கும் கொரோனா வைரஸ் பாதிப்பு பற்றிய தகவல்கள், அரசின் அறிவிப்புகள் ஆகியவற்றை நேரலையாக உடனுக்குடன் இங்கே தெரிந்து கொள்ளலாம்.

கரோனா அச்சம்: தமிழகம் முழுதும் எல்கேஜி முதல் ஐந்தாம் வகுப்பு வரை மார்ச் 16 முதல் மார்ச் 31 வரை விடுமுறை

கரோனா அச்சம் எதிரொலியாக தமிழகம் முழுதும் எல்கேஜி, யூகேஜி, மழலையர் பள்ளிகளுக்கு வரும் 16-ம் தேதிமுதல் விடுமுறை அளிக்கப்படுவதாக பள்ளிக்கல்வித்துறை அறிவித்துள்ளது. கேரள எல்லையோர மாவட்டங்களுக்கு 5-ம் வகுப்புவரை விடுமுறை அறிவிக்கப்பட்டுள்ளது.

கரோனா வைரஸ் பாதிப்பு உலகம் முழுதும் பாதிப்பை ஏற்படுத்தி வருகிறது. இந்தியாவில் இதுவரை 81 பேர் கரோனா வைரஸால் பாதிக்கப்பட்டுள்ளனர். டெல்லி, கர்நாடகா, கேரளா உள்ளிட்ட மாநிலங்கள் பள்ளிகளுக்கு விடுமுறை விடுக்கப்பட்டுள்ளது.

தமிழகத்தில் பள்ளிகளுக்கு விடுமுறை அளிக்கப்படுமா என்கிற கேள்வி எழுந்த நிலையில் இன்று விடுமுறை அறிவித்து பள்ளிக்கல்வித்துறை அறிவித்துள்ளது.

இதுகுறித்து பள்ளிக்கல்வி ஆணையர் அறிவிப்பு வருமாறு:

"தமிழ்நாட்டில் உள்ள அனைத்து மாவட்டங்களில் செயல்படும் அனைத்து வகை பள்ளிகளிலும் எல்கேஜி, யூகேஜி, (ப்ரீ கேஜி உட்பட) வகுப்பு பயிலும் மாணவர்களுக்கும் மற்றும் கேரள மாநிலத்தில் உள்ள மாவட்டங்களான கன்னியாகுமரி, திருநெல்வேலி, தென்காசி, கோயம்புத்தூர் , திருப்பூர் மற்றும் நீலகிரி மாவட்டங்களில் எல்கேஜி, யுகேஜி வகுப்பு முதல் ஐந்தாம் வகுப்பு வரை பயிலும் மாணாக்கர்களுக்கு வைரஸ் தொடர்பாக முன்னெச்சரிக்கை நடவடிக்கை மேற்கொள்ளும் பொருட்டு மார்ச் 16 திங்கட்கிழமை முதல் மார்ச் 31 வரை விடுமுறை அளிக்க அரசு அனுமதி வழங்கப்பட்டுள்ளது.

எனவே மேற்கண்ட வகுப்புகளுக்கு மார்ச் 16 முதல் 31 வரை விடுமுறை அளிக்க அனைத்து முதன்மை கல்வி அலுவலர்கள் அறிவுறுத்தப்படுகிறது. மேலும் இதுகுறித்து எடுக்கப்பட்ட நடவடிக்கைகள் குறித்து அறிக்கை அனுப்புமாறு அனைத்து முதன்மை கல்வி அலுவலர் கேட்டுக்கொள்ளப்படுகிறார்கள்".

இவ்வாறு பள்ளிக் கல்வி ஆணையர் தெரிவித்துள்ளார்

16 வயது சிறுமிக்கு 4 மாதங்களாக கூட்டு பாலியல் வன்கொடுமை...

திருத்துறைப்பூண்டி அருகே 16 வயது சிறுமியை 4 மாதங்களாக கூட்டு பாலியல் வன்கொடுமை செய்து கர்ப்பமாக்கிய மூன்று இளைஞர்களில் ஒருவர் கைது செய்யப்பட்டுள்ளார். ஆபத்தான நிலையில் சிறுமி மருத்துவமனையில் அனுமதிக்கப்பட்டுள்ளார்.

திருவாரூர் மாவட்டம் திருத்துறைப்பூண்டி அருகே உள்ள கிராமம் ஒன்றில் 16 வயது சிறுமி ஒருவர் பள்ளிப்படிப்பை பாதியில் நிறுத்திவிட்டு வீட்டில் இருந்துள்ளார். சிறுமியின் தாய் - தந்தை இருவருமே விவசாயக் கூலித் தொழிலாளர்கள். இதனால் இருவருமே அதிகாலையிலேயே வேலைக்கு சென்று விடுவார்கள்.

இந்நிலையில் சிறுமியின் வீட்டருகே முப்பது வயது மதிக்கத்தக்க ஜான்சன் என்ற இளைஞர் வசித்து வருகிறார். அவர் வீட்டிற்கு மருதவனம் பகுதியைச் சேர்ந்த ஜான்சனின் நண்பர் கார்த்திக் என்பவர் அடிக்கடி வந்து சென்றுள்ளார். அப்போது சிறுமி உடன் கார்த்திக்கிற்கு பழக்கம் ஏற்பட்டுள்ளது. சிறுமியை காதலிப்பதாக ஆசை வார்த்தை கூறி பழகி வந்துள்ளார்.

ஒரு கட்டத்தில் சிறுமி பகலில் தனியாக வீட்டில் இருப்பதை பயன்படுத்திக்கொண்ட கார்த்திக், குளிர்பானத்தில் மயக்க மருந்து கொடுத்து பாலியல் வன்கொடுமை செய்துள்ளார். பின்னர் திருமணம் செய்து கொள்வதாக ஏமாற்றி அடிக்கடி சிறுமியை பாலியல் வன்கொடுமை செய்து வந்திருக்கிறார்

இந்நிலையில், சிறுமியை தனது பாலியல் வலையில் வீழ்த்தியதை பெருமையாக நண்பர் ஜான்சன் மற்றும் மற்றொரு நண்பர் விஸ்வராஜ் ஆகியோரிடம் கார்த்திக் கூறியுள்ளார். இதையடுத்து சிறுமியை தங்களின் பாலியல் இச்சைக்கு பயன்படுத்த நினைத்த ஜான்சன் மற்றும் விஷ்வராஜ், கார்த்தி உடனான பழக்கத்தை பெற்றோரிடம் சொல்லி விடுவேன் என சிறுமியிடம் மிரட்டியுள்ளனர்.

பெற்றோரிடம் சொல்லாமல் இருக்க தங்களின் பாலியல் இச்சைக்கு அடிபணிய வேண்டும் என மிரட்டி இருவரும் பாலியல் வன்கொடுமை செய்துள்ளனர். இதை கார்த்தியிடம் தெரிவித்து, பின்னர் மூவரும் சேர்ந்து அந்த சிறுமியை 4 மாத காலமாக கூட்டு பாலியல் வன்கொடுமைக்கு ஆளாக்கி வந்துள்ளனர்.

இதனால் சிறுமி உடல்நிலை மிகவும் மோசமடைந்துள்ளது. அதைக்கண்ட சிறுமியின் பெற்றோர் சிகிச்சைக்காக அவரை திருத்துறைப்பூண்டி அரசு மருத்துவமனைக்கு அழைத்துச் சென்றனர். ஆனால் சிறுமியின் உடல்நிலை மிகவும் மோசமாக இருப்பதாக கூறி திருவாரூர் அரசு மருத்துவக்கல்லூரி மருத்துவமனைக்கு கொண்டு செல்லுமாறு அவர்கள் தெரிவித்துவிட்டனர்.

இந்த நிலையில் வியாழக்கிழமை மாலை திருவாரூர் அரசு மருத்துவக் கல்லூரி மருத்துவமனையில் அனுமதிக்கப்பட்ட சிறுமியை சோதித்த மருத்துவர்கள் சிறுமி கர்ப்பமாக இருப்பதாக தெரிவித்துள்ளனர். அதிர்ச்சி அடைந்த பெற்றோர் சிறுமியிடம் விசாரித்தபோது 3 இளைஞர்களும் 4 மாதமாக கூட்டு பாலியல் வன்கொடுமை செய்ததை கூறியுள்ளார். இதைக் கேட்டு அதிர்ந்துபோன பெற்றோர், திருத்துறைப்பூண்டி அனைத்து மகளிர் காவல் நிலையத்தில் புகார் அளித்தனர்.

புகாரின் பேரில் மூன்று பேர் மீதும் கூட்டுப் பாலியல் வன்கொடுமை செய்தல், சிறுமியை திருமணம் செய்து கொள்வதாக ஏமாற்றுதல் உள்ளிட்ட 4 பிரிவுகளின் கீழ் வழக்குப் பதிவு செய்த போலீசார், சிறுமியைக் காதலிப்பதாக ஆசை வார்த்தை கூறி பாலியல் வன்கொடுமை செய்த கார்த்தியை கைது செய்தனர். தலைமறைவாக உள்ள அவரது நண்பர்கள் ஜான்சன் மற்றும் விஸ்வராஜ் ஆகியோரை போலீசார் தேடி வருகின்றனர்.

கொரோனா வைரஸ் அச்சுறுத்தல் எதிரொலி - ஏப்.15ஆம் தேதி வரை ஐ.பி.எல். போட்டி சஸ்பெண்ட்

கொரோனா அச்சுறுத்தல் காரணமாக விளையாட்டு போட்டிகளை பார்வையாளர்கள் இல்லாமல் நடத்த மத்திய விளையாட்டு துறை அமைச்சகம் அறிவுறுத்தியிருந்தது. இந்நிலையில், பி.சி.சி.ஐ. செயலாளர் ஜெய் ஷா விடுத்துள்ள அறிக்கையில், வீரர்கள் மற்றும் ரசிகர்களின் பாதுகாப்பு முக்கியம் என்பதால், வரும் 29ஆம் தேதி தொடங்கி இருந்த ஐ.பி.எல். போட்டிகளை வரும் ஏப்ரல் 15ஆம் தேதி வரை சஸ்பெண்ட் செய்ய பி.சி.சி.ஐ. முடிவு எடுத்துள்ளதாக தெரிவித்துள்ளார். இதே போன்று இந்தியா, தற்போது நடைபெற்று வரும் தென்னாப்பிரிக்காவுக்கு எதிரான ஒருநாள் தொடரும் பார்வையாளர்கள் இல்லாமல் நடைபெறும் என்று பி.சி.சி.ஐ. அறிவித்துள்ளது. 

இனி அந்தமாதிரி வேடத்தில் நடிக்க மாட்டேன் - ஐஸ்வர்யா ராஜேஷ்

தமிழ் சினிமாவில் முன்னணி நடிகையாக வலம் வரும் ஐஸ்வர்யா ராஜேஷ், இனி அந்தமாதிரி வேடத்தில் நடிக்க மாட்டேன் என தெரிவித்துள்ளார்.

தமிழ் சினிமாவில் முன்னணி நடிகையாக வலம் வருபவர் ஐஸ்வர்யா ராஜேஷ். இவர் எந்த கதாபாத்திரம் கொடுத்தாலும், தன்னுடைய திறமையால் ரசிகர்களை கவர்ந்து வருகிறார். கதாநாயகியாகவும், குழந்தைகளுக்கு அம்மாவாகவும், தங்கையாகவும் நடித்துள்ளார். தமிழ் படங்களில் மட்டும் கவனம் செலுத்தி வந்த ஐஸ்வர்யா ராஜேஷ், அடுத்து மலையாளம், தெலுங்கு என வெவ்வேறு மொழிகளிலும் நடிக்க தொடங்கிவிட்டார்.

அவர் சமீபத்திய பேட்டியில் கூறியதாவது: சாதிகளில் எனக்கு நம்பிக்கை இல்லை. அம்மா வேடத்தில் நடித்தால், பிரபல நாயகர்கள் என்னை தவிர்க்கிறார்கள். வயது அதிகமாகி விட்டதாக ரசிகர்கள் நினைக்கிறார்கள். எனவே அம்மாவாக இனிமேல் நடிப்பதில்லை என்று முடிவு செய்து இருக்கிறேன் என்று ஐஸ்வர்யா ராஜேஷ் கூறுகிறார்.

புதிய சாதனை படைத்த அஜித் பாடல்

தமிழில் உச்ச நட்சத்திரமாக இருக்கும் அஜித் நடிப்பில் வெளியாகி சூப்பர் ஹிட்டான படத்தின் பாடல் புதிய சாதனை படைத்துள்ளது.

சிவா இயக்கத்தில் அஜித், நயன்தாரா, அனிகா, விவேக், ஜெகபதி பாபு, ரோபோ சங்கர் உள்ளிட்ட பலர் நடிப்பில் வெளியான படம் 'விஸ்வாசம்'. 2019-ம் ஆண்டு ஜனவரி 10-ம் தேதி ரஜினி நடிப்பில் வெளியான 'பேட்ட' படத்துடன் வெளியானது. தமிழகத்தில் 'விஸ்வாசம்' படத்துக்கு பெரும் ஆதரவு கிடைத்தது. விநியோகஸ்தர்கள், திரையரங்கு உரிமையாளர்கள் என பலருக்கும் நல்ல லாபம் கிடைத்தது.

இந்தப் படத்தில் இடம்பெற்ற பாடல்கள் ரசிகர்கள் மத்தியில் பெரும் வரவேற்பைப் பெற்றது. மேலும், இதில் இடம்பெற்ற 'கண்ணான கண்ணே' பாடல் பட்டிதொட்டி எங்கும் ஹிட்டடித்தது. இந்தப் பாடலை வைத்து டிக்-டாக் செய்து வெளியிடும் தம்பதியினரும் இருக்கிறார்கள்.

இந்தப் படம் வெளியாகி ஓராண்டைக் கடந்துவிட்டாலும், இப்போது 'விஸ்வாசம்' பாடல்கள் மற்றுமொரு சாதனையைப் புரிந்துள்ளது. ஆடியோ வடிவில் இந்தப் பாடல் 500 மில்லியன் ஸ்ட்ரீம்களை கடந்துள்ளது. வீடியோக்களை பார்வைகளாகக் கணக்கிடுவது போல், ஆடியோ கேட்பதை ஸ்ட்ரீமிங் என்று சொல்வார்கள். அந்த வகையில் 'விஸ்வாசம்' படத்தின் பாடல்கள் இதுவரை 50 கோடி முறை கேட்கப்பட்டுள்ளது.

அஜித்தை தவிர வேறு எந்த ஒரு நடிகருக்கும் அது கிடையாது, டாப் ஹீரோ அதிரடி பேட்டி

தல அஜித் தமிழ் திரையுலகில் தனக்கென்று தனி பாணியை அமைத்து கொண்டு தற்போது பல லட்சம் ரசிகர்கள் மனதில் இடம் பிடித்திருக்கும் ஒரு நடிகர்.

இவர் தற்போது எச். வினோத் இயக்கத்தில் போனி கபூர் தயாரிப்பில் நடித்து வரும் படம் வலிமை.

இப்படத்தில் நடிகர் அஜித்துடன் இணைந்து பாலிவுட் முன்னணி நடிகை ஹூமா குரேஷி நடித்து வருகிறார் என்று தெரியவந்துள்ளது.

இப்படத்தின் படப்பிடிப்பு கிட்டத்தட்ட 65% சதவீதம் வரை முடிந்துள்ளது என்று சில தகவல்கள் வெளியானது.

சமீபத்தில் கூட இப்படத்தின் படப்பிடிப்பு தளத்தில் இருந்து சில வீடியோக்கள் மற்றும் சில புகைப்படங்கள் சமூக வலைத்தளங்களில் கசிந்திருந்தது.

தல அஜித் குமாரை பற்றி பலரும் நேர்காணல்களில் புகழ்ந்து பேசி அல்லது அவருடன் பணிபுரிந்த அனுபவத்தை பற்றி கூறியும் நாம் கேட்டிருப்போம்.

அந்த வகையில் தெலுங்கு திரையுலகின் டாப் ஹீரோக்களில் ஒருவரான திரு வெங்கேடஷ் அண்மையில் அளித்த பேட்டியில் "நடிகர் அஜித்துடன் இருக்கும் அந்த ஒரு ஸ்வாக் வேறு எந்த ஒரு நடிகரிடமும் கிடையாது" என்று அதிரடியாக தெரிவித்துள்ளார்.

கொரோனா வைரஸை தனிமைப்படுத்துவதில் இந்திய விஞ்ஞானிகளுக்கு வெற்றி?

கொரோனா வைரஸை தனிமைப்படுத்துவதில் இந்திய விஞ்ஞானிகளுக்கு வெற்றி கிடைத்துள்ளதாகவும் இதைக்கொண்டு இன்னும் 2 ஆண்டுகளுக்குள் தடுப்பு மருந்து கண்டுபிடிக்கப்படும் என்றும் செய்தி வெளியாகியுள்ளது.

கொரோனா பாதிப்பால் உலக நாடுகள் அனைத்தும் கடும் அச்சத்தில் உள்ளன. குறிப்பாக சீனாவில் கொரோனாவால் உயிரிழந்தவர்களின் எண்ணிக்கை 3000-த்தை தாண்டியுள்ளது. இதற்கு அடுத்தப்படியாக இத்தாலி உள்ளது. இங்கும் கொரோனா பாதிப்பால் உயிரிழப்புகள் தொடர்ந்த வண்ணம் உள்ளன. இந்தியாவை பொருத்தவரை தற்போது வரை 76 நபர்கள் கொரோனாவால் பாதிக்கபட்டுள்ளதாவும் கர்நாடகாவை சேர்ந்த முதியவர் ஒருவர் இறந்துள்ளதாகவும் கூறப்படுகிறது.
யோகிபாபு, நிரோஷா நடித்த கொரோனா விழிப்புணர்வு வீடியோ..!

இந்நிலையில் புனேவில் உள்ள தேசிய வைராலஜி மையத்தின் உயரதிகாரி ராமன் கங்காகேத்கர், கொரோனாவுக்கு இன்னும் இரண்டு ஆண்டுகளில் தடுப்பு மருந்து கண்டுபிடிக்கப்படும் எனக் கூறியுள்ளார். இது குறித்து அவர் கூறும் போது கொரோனா பாதித்தவர் உடலில் இருந்து 11 வைரஸ்கள் பிரித்தெடுக்கப்பட்டுள்ளன. மிகவும் கடின முயற்சிக்கு பின் இது சாத்தியமாகியுள்ளது. இந்த வைரஸ்களை கொண்டு தடுப்பு மருந்து கண்டுபிடிக்கப்படும். இந்தியாவில் இதுவரை 52 ஆய்வகங்களில் கொரோனா பரிசோதனைகள் செய்யப்பட்டு வருகிறது. மேலும், 57 ஆய்வகங்களில் கொரோனா அறிகுறி உள்ளவர்களிடம் ரத்த மாதிரிகள் சேகரிக்கும் வசதி இருக்கிறது என்று அவர் தெரிவித்துள்ளார்.

நடிகர் விஜயின் சம்பள விபரங்களை வருமானவரித்துறை வெளியிட்டது

விசாரணை முடிந்தது: நடிகர் விஜயின் சம்பள விபரங்களை வருமானவரித்துறை வெளியிட்டது

. #பிகில் படத்திற்கு ரூ.50 கோடி, #மாஸ்டர் திரைப்படத்திற்கு ரூ.80 கோடியை விஜய் சம்பளமாக பெற்றுள்ளார். 2 திரைப்பட வருவாய்க்கும் விஜய் முறையாக வரி செலுத்தியுள்ளர். Can we rest the case now?? 

நீண்ட இழுபறிக்கு பிறகு தமிழக பா.ஜ.க தலைவராக எல்.முருகன் நியமனம்!

நீண்ட இழுபறிக்கு பிறகு தமிழக பாஜக தலைவராக எல் முருகன் நியமனம் செய்யப்பட்டுள்ளார். இதற்கான உத்தரவை கட்சித் தலைவர் ஜேபி நட்டா உத்தரவை வழங்கினார்.

செப்டம்பர் மாதம் 1-ஆம் தேதி முதல் காலியாக உள்ள தமிழக பாஜக தலைவர் பதவிக்கு எல் முருகன் நியமிக்கப்பட்டுள்ளார். இவர் தேசிய தாழ்த்தப்பட்டோர் ஆணையத்தின் துணைத் தலைவராக இருந்து வருகிறார் என்பது குறிப்பிடத்தக்கது.

எல் முருகன், 15 ஆண்டுகள் வழக்கறிஞராக அனுபவம் கொண்டவர். சென்னை உயர்நீதிமன்றத்தில் வழக்கறிஞராக பணியாற்றி வருகிறார். சென்னை டாக்டர் அம்பேத்கர் அரசு சட்டக் கல்லூரியில் பிஎல் பட்டத்தையும் சென்னை பல்கலைக்கழகத்தில் எம்எல் படிப்பும் முடித்துள்ளார்.

சென்னை பல்கலைக்கழகத்தில் மனித உரிமை சட்டம் தொடர்பான பிஎச்டி பட்டம் படித்து வருகிறார். இவர் 1977-ஆம் ஆண்டு மே 29ஆம் தேதி பிறந்தார்.

தமிழக பாஜக தலைவராக இருந்த தமிழிசை சவுந்திரராஜனின் பதவிக்காலம் கடந்த ஆண்டு டிசம்பர் மாதம் முடிவடைந்தது. எனினும் அவர் கடந்த செப்டம்பர் மாதம் தெலுங்கானா மாநில ஆளுநராக தேர்வு செய்யப்பட்டதை அடுத்து அவர் அப்பதவியிலிருந்து விலகினார்.

இதையடுத்து காலியாக இருந்த அப்பதவிக்கு வானதி சீனிவாசன், பொன் ராதாகிருஷ்ணன், கேடி ராகவன், கருப்பு முருகானந்தம் உள்ளிட்ட முன்னணி தலைவர்கள் ரேஸில் இருந்தனர். அப்போது ரஜினிகாந்த் கூட அப்பதவிக்கு வரலாம் என சொல்லப்பட்டது. தமிழக பாஜகவின் புதிய தலைவரை‌ தேர்வு செய்வதற்கான கருத்து கேட்பு கூட்‌டம் சென்னையில் நடந்தது.

இதையடுத்து தமிழக பாஜக தலைவராக குப்புராமு நியமிக்கப்படுவார் என சொல்லப்பட்டது. இது போன்று பல்வேறு யூகங்களுக்கு மத்தியில் இன்று ஒருவழியாக தமிழக பாஜகவுக்கு தலைவர் நியமனம் செய்யப்பட்டுள்ளார். அடுத்த ஆண்டு தமிழகத்தில் சட்டசபை தேர்தல் நடைபெறவுள்ள நிலையில் அந்த தேர்தலை எதிர்கொள்ளும் வகையில் வலுவான தலைவரை நியமிக்கும் என எதிர்பார்க்கப்பட்டது.

மாவட்ட செயலாளர்களுடன் நாளை மீண்டும் ரஜினிகாந்த் ஆலோசனை

நடிகர் ரஜினிகாந்த் கடந்த வாரம் தனது மக்கள் மன்றத்தின் மாவட்ட செயலாளர்களை சந்தித்து ஆலோசனை நடத்தினார்.

 
சட்டமன்ற தேர்தலில் போட்டி என்று ரஜினி அறிவித்து 2 ஆண்டுகள் கடந்த நிலையில் தேர்தலுக்கு இன்னும் ஒரு ஆண்டே இருப்பதால் இந்த சந்திப்பு முக்கியமானதாக பார்க்கப்பட்டது. சென்னை ராகவேந்திரா மண்டபத்தில் இந்த கூட்டம் நடந்தது. கட்சி தொடங்குவது தொடர்பாக ரஜினிகாந்த் தீவிரமாக ஆலோசனைகளை மேற்கொண்டார்.

மாவட்ட செயலாளர்கள் கூட்டத்திற்கு பின் ரஜினிகாந்த் அளித்த பேட்டி பெரிய பரபரப்பை ஏற்படுத்தியது.

ஒரு வி‌ஷயத்தில் மட்டும் எனக்கு திருப்தியில்லை. தனிப்பட்ட ஒரு வி‌ஷயத்தில் ஏமாற்றம், அதை நேரம் வரும்போது தெரிவிப்பேன், என்று குறிப்பிட்டார்.

நிர்வாகிகளிடம் பேசிய ரஜினி சட்டசபை தேர்தலில் நாம் கண்டிப்பாக போட்டியிடுவோம். ஆனால் கண்டிப்பாக நான் முதல்வராக மாட்டேன். எனக்கு அந்த விருப்பம் இல்லை என்று கூறியதாகவும், ஆனால் நிர்வாகிகள் இந்த முடிவுக்கு எதிர்ப்பு தெரிவித்ததாகவும் செய்தி பரவியது. ரஜினியின் இந்த திடீர் முடிவு அவரது ரசிகர்கள் மத்தியில் பரபரப்பை ஏற்படுத்தியது.

இந்த நிலையில் நடிகர் ரஜினிகாந்த் நாளை மீண்டும் தனது மக்கள் மன்ற மாவட்ட செயலாளர்களை சந்தித்து ஆலோசனை நடத்த உள்ளார். இந்த ஆலோசனை கூட்டத்தில் கலந்து கொள்ள மொத்தம் 38 ரஜினி மக்கள் மன்ற நிர்வாகிகளுக்கு அழைப்பு விடுக்கப்பட்டுள்ளது. கட்சி குறித்தும் சட்டசபை தேர்தல் குறித்தும் முக்கியமான வி‌ஷயங்களை பேச வேண்டும் என்றும் கூறப்பட்டுள்ளது.

கடந்த முறை தனக்கு சின்ன ஏமாற்றம் என்று நடிகர் ரஜினிகாந்த் குறிப்பிட்டு இருந்தார். அந்த சின்ன ஏமாற்றம் எதுவென்று நாளை ரஜினிகாந்த் குறிப்பிடுவார் என்று கூறுகிறார்கள். நாளை ஆலோசனை கூட்டத்துக்கு பின் ரஜினிகாந்த் பத்திரிகையாளர்களையும் சந்திக்க திட்டமிட்டுள்ளார்.

சட்டமன்ற தேர்தலுக்கு இன்னும் ஒரு ஆண்டே இருப்பதால் ரஜினி கட்சி தொடங்கும் நடவடிக்கைகளை முடுக்கி விட்டுள்ளார். கட்சி பதிவு தொடர்பான பணிகள் ஏற்கனவே தொடங்கிவிட்டதாகவும் இதற்காக ரஜினிக்கு நெருக்கமான வக்கீல்கள் டெல்லியில் முகாமிட்டுள்ளதாகவும் கடந்த வாரமே தகவல் வெளியானது.

வரும் ஏப்ரல் 14-ந்தேதி ரஜினி தனது கட்சி பெயரை அறிவிப்பார் என்றும் நம்பிக்கை தெரிவித்திருந்தனர். இந்த செய்திகளை உண்மையாக்கும் வகையில் ரஜினியின் அடுத்தடுத்த நடவடிக்கைகள் அமைந்துள்ளன.

கடந்த வாரம் மாவட்ட செயலாளர்களை சந்தித்த பின்னர் இந்திய குடியரசு கட்சி தலைவர் செ.கு. தமிழரசன், காங்கிரஸ் எம்.பி. திருநாவுக்கரசர் ஆகியோரை நேரில் சந்தித்து ரஜினி ஆலோசனை நடத்தினார்.

நாளை நடைபெறும் மாவட்ட செயலாளர்கள் சந்திப்பில் சில ஆலோசனைகள் செய்தபிறகு பத்திரிகையாளர்களை சந்திக்கும் ரஜினி தனது அரசியல் வருகையை உறுதி செய்வதுடன் கட்சி அறிவிப்பு தேதியையும் வெளியிடுவார் என்கிறார்கள்.

ரஜினி கடந்த வாரம் குறிப்பிட்ட அந்த ஏமாற்றம், அதிருப்தி என்ன? அந்த அதிருப்தி களையப்பட்டதா என்பதும் நாளை தெரியவரும். ரஜினி கட்சி அறிவிப்பையே மாநாடாக நடத்தி வெளியிட வேண்டும் என்பது அவர் மன்ற நிர்வாகிகளின் கோரிக்கையாக எழுந்துள்ளது. இதை உணர்ந்த ரஜினி மதுரையில் மாநாடு நடத்த திட்டமிட்டு இருக்கிறார் என்று சொல்கிறார்கள்.

2 ஆண்டுகளுக்கு முன்பு அரசியல் அறிவிப்பை வெளியிடும்போது 234 தொகுதிகளிலும் தனித்து போட்டி என்று அறிவித்த ரஜினி தற்போது கூட்டணிக்கும் தயாராகி விட்டார். எனவே தனது செல்வாக்கை காட்ட மாநாடு நடத்துவது ஒன்றே சரியான வழியாக இருக்கும் என்று நினைக்கிறார்.

மாநாடு மூலம் தனது செல்வாக்கை காட்டினால் தான் கூட்டணி அமையும் போது அது தனது தலைமையில் அமையும் என்பது ரஜினியின் கணக்கு. ரஜினியுடன் கூட்டணி என்றால் அதில் சேர்வதற்கு கமல், காங்கிரஸ், பா.ஜனதா கட்சிகள் முன்வரலாம். இந்த கட்சிகளில் ரஜினி தனது தலைமையை ஏற்கும் கட்சிகளை சேர்த்துக் கொள்வார்.

மேலும் தி.மு.க., அதிமுக கூட்டணிகளில் உள்ள அதிருப்தி கட்சிகள் ரஜினியுடன் இணைந்து வலுவான கூட்டணியாக மாறும் என்றும் ரஜினி மன்ற நிர்வாகிகள் நம்பிக்கை தெரிவித்துள்ளனர்.